Foto: Gov.kz.
Túlkibas aýdanynda 2025 jyly jalpy investitsiialyq quny 67,5 mlrd teńgeni quraityn 10 jobany iske asyrý josparlanýda. Odan túsetin boljamdy salyq kólemi 97,7 mln teńgeni quraityn bolady, dep habarlaidy «Ult aqparat».
Sonymen qatar, 858 azamat turaqty jumyspen qamtylmaq. Josparǵa engen jobalardyń ishinde «Sastóbe innovatsiialyq kesheni» JShS zaýyty bar. Onda kaýstikalyq soda, PVH, kaltsii karbidi, ák óndirilmek. Sonymen qatar, «Azia Food Company» un diirmeni de aldaǵy jyly tolyqtai iske qosylady dep kútilýde. Bul jaiynda Túlkibas aýdanynyń ákimi Nurjan Iztileýov BAQ ókilderimen ótken brifingte málimdedi.
«2024 jyldyń 10 aiynda aýdandaǵy jalpy óńirlik ónim kólemi 81 mlrd 519,2 mln teńgeni qurady. Al, shaǵyn jáne orta biznes nysandarynyń sany 9 787-ge jetip, 13 myńnan astam adam jumyspen qamtyldy. 2025 jyly atalǵan salany damytý maqsatynda jalpy quny 2,2 mlrd teńgeni quraityn, 22 joba iske asyrylmaq. Bul jobalar tolyqtai iske asyrylsa 226 jańa jumys orny ashylyp, aýdan biýdjetine qosymsha 138 mln teńge salyq túsedi dep kútilýde»- dedi óńir basshysy.
Sonymen qatar, aýdandy týristik aimaqqa ainaldyrý baǵytynda da birqatar jumystar atqarylýda. Búginde óńirde 36 týristik nysan jumys isteidi. Al, keler jyly quny 3,1 mlrd teńgelik 5 jobany iske asyrý josparlanyp otyr. Kózdelgen maqsat tolyqtai iske assa, 235 jańa jumys orny ashylmaq. Sondai-aq, Túlkibas aýdanyndaǵy aýylsharýashylyq óniminiń kólemi jyl basynan beri 46 mlrd 452 mln teńgeni quraǵan. 2025 jyly da atalǵan salany damytý maqsatynda 8 joba iske asyrylmaq. Investitsiialyq quny 15,5 mlrd teńgeni quraityn jobalar arqasynda 97 azamatty jumyspen qamtýǵa múmkindik alady.
Aýdandaǵy infraqurylym salasy da ilgeri jyljyǵan. Naqtyraq aitar bolsaq, aýyz sý salasy boiynsha 59 eldi mekenniń 58-i ortalyqtandyrylǵan aýyz sý qubyrymen qamtamasyz etilgen. Sonymen qatar, aýdandaǵy 21 135 turǵyn úi, iaǵni 99,8 %-y tabiǵi gaz júiesine qosylǵan.
