Foto: 36-taraz.mektebi.kz
Elimizde joǵary oqý ornynda bilim alý úshin 112 myń grant, sonyń ishinde bakalavriatqa 79 myńǵa jýyq grant bólindi (byltyrǵy jylmen salystyrǵanda 5 myńǵa kóp). Bul jaiynda Qoǵamdyq saiasat institýtynyń sholýynda aitylady.
Bilim grantyn taǵaiyndaý konkýrsyna qujat 24 shildege deiin qabyldandy. Biyl 186 myń túlek mektep bitirgen bolsa, oqý grantyna 103 myńǵa jýyq ótinish tústi. Bul ótken jylmen salystarǵanda 9 myńǵa artyq.
Qujat qabyldaýdyń aralyq qorytyndysy boiynsha ótinish sany kóp túsken TOP-15 bilim baǵdarlamasy:
- Aqparattyq tehnologiialar — 11752;
- Deneshynyqtyrý muǵalimderin daiarlaý — 5463;
- Shet tili muǵalimderin daiarlaý — 4707;
- Meditsina — 4023;
- Qala qurylysy, qurylys jumystary jáne azamattyq qurylys — 2705;
- Sáýlet — 2528;
- Elektr tehnikasy jáne energetika — 2406;
- Qazaq tili men ádebieti muǵalimderin daiarlaý — 2377;
- Psihologiia — 2351;
- Biologiialyq jáne sabaqtas ǵylymdar — 2292;
- Aýdarma isi — 2151;
- Menedjment jáne basqarý — 2084;
- Elektr tehnikasy jáne avtomattandyrý — 1874;
- Týrizm — 1718;
- Quqyq — 1697.
Dene shynyqtyrý jáne shet tili muǵalimi — eń suranysqa ie mamandyqtyń biri bolyp qala bermek.
Byltyr dene shynyqtyrý muǵalimderin daiarlaýǵa — 5377, shet tili muǵalimderin daiarlaý baǵdarlamasyna — 3862 ótinish túsken.
Jalpy konkýrs nátijesi 10 tamyzǵa deiin jariialanady.
2024 jyly alǵash ret saralanǵan granttar engizildi. Iaǵni, UBT nátijesi boiynsha joǵary kórsetkish kórsetip, alaida grantqa ilinbegen talapkerdiń oqý aqysynyń 50% memleket biýdjetinen tólenip, tolyq stipendiia alý múmkindigi de bar.
"Pedagogikalyq ǵylymdar" jáne "Áleýmettik ǵylymdar, jýrnalistika jáne aqparat" oqý baǵdarlamalary boiynsha 300 saralanǵan grant bólindi.
Memlekettik granttan bólek ár óńir joǵary bilimdi qoljetimdi etý jáne eńbek naryǵyna qajetti bilikti mamandy daiarlaý maqsatynda jergilikti biýdjet esebinen "ákim granttaryn" da bóledi.
"Serpin" baǵdarlamasy da grantpen bilim alýǵa múmkindik beredi. Baǵdarlama tek aýyl túlekterine arnalǵan, biyl 3903 grant bólindi.
"Qazaqstan halqyna" qoǵamdyq qory bakalavriat baǵdarlamasy boiynsha talapkerlerge 850 grant bóldi.
Sonymen qatar, áskeri boryshyn ótegen azamattar da grant negizinde elimizdiń 42 JOO bilim ala alady.
Talapkerler grantqa túspegen jaǵdaida aqyly oqýǵa múmkindik bar.
QR Ǵylym jáne joǵary bilim ministrliginiń málimetinshe Qazaqstanda 120 JOO bar.
Ulttyq ýniversitetterde, máselen, «Pedagogika» mamandyǵy boiynsha 1 jyldyq oqý aqysy 1 million teńgeden asady, al óńirlik JOO dál osy mamandyqty 500-600 myń tg deiin oqýǵa bolady.
Joǵary bilim men ǵylymdy damytýdyń 2023-2029 jyldarǵa arnalǵan tujyrymdamasyn iske asyrý sheńberinde sheteldik JOO filialdaryn ashylýda. Qazirgi tańda elimizde 15 sheteldik JOO filialy iske qosyldy.
Sonymen qatar, QR Ǵylym jáne joǵary bilim ministri S. Nurbek 2024 jylǵy 24 shildede ótken onlain-brifingte joǵary bilimdi qoljetimdi qylý úshin paiyzsyz nesie berý josparlanǵanyn jetkizdi.
