Qazaqstanda búginnen bastap karantindik sharalar jeńildetilip, kásiporyndar jumysy qaita jandandy. Desek te, qaýip áli seiilgen joq. Osyǵan orai Pavlodar oblystyq filarmoniiasynyń ártisi, Halyqaralyq baiqaýlardyń laýreaty Serik Rysbek qazaqstandyqtardy sanitarlyq talaptardy oryndaýǵa shaqyrdy, dep habarlaidy QazAqparat.
Serik Rysbektiń aitýynsha, koronavirýs infektsiiasynyń aldyn alý eń aldymen, ózimizge bailanysty. Ár ádam sanitarlyq talapqa úlken jaýapkershilikpen qarýy kerek. Koronavirýs – jas talǵamaityn, eshkimdi aiamaityn dert. Sondyqtan barynsha abai bolǵan abzal.
«Qurmetti qazaqstandyqtar! Búgingi tańda adamzat álemin ábigerge salyp jatqan myna dert bizdiń eldi de ainalyp ótpegenin bárimiz bilemiz. Osy oraida bul indet qansha qazaqtyń uly tulǵalaryn, óner maitalmandary men ár qazaq otbasyndaǵy jaqyndaryn alyp ketti. Arda aǵaiyn jaqsylyq pen jamandyqtyń qatar júretinin eskere otyryp, elimizde 17 tamyzdan bastap karantinniń jeńildetilgen túrin bárimiz tiimdi paidalanaiyq», – deidi ánshi.
Sondai-aq, ol ázirshe toi-tomalaqtan bas tarta turýǵa shaqyrdy.
«Ár otbasy týǵanynyń amandyǵyn tilese toi-tomalaqtan, jiyn keshterden bas tartyp, sabyrlyq pen keler kúnniń jaqsylyǵyna úmit artýy kerek», – dep qortyndylady ol.
