Foto: Almaty oblysynyń ákimdigi
Almaty oblysynyń ákimi Marat Sultanǵaziev ashtyqtan júdep, júre almai qalǵan 6 jasar balanyń qandai jaǵdaida ómir súrgenin aitty, dep habarlaidy Kazinform.
«Jaǵdaidy qadaǵalap otyrmyz. Ol alǵashqy úsh jylda ózge balalar siiaqty qalypty damyǵan. Onan keiin damýy toqtaǵan. Qazirgi ýaqytta em alyp jatyr. Árine, bul balanyń ómir súrgen jaǵdaiy óte nashar. Úide bei-bereketsizdik, jaǵymsyz iis, mysyq kóp. Anasy balasyna qaramaǵan. Ol bógde adamdar turmaq óziniń anasynan da qorqady. Jaǵdaiy osyndai. Búginde dárigerler men psihologtar jumys istep jatyr», – dedi óńir ákimi Ortalyq kommýnikatsiialar qyzmetindegi brifingte.
Buǵan deiin Ile aýdanynda ashtyqtan júdeý, sóileýge jáne júrýge murshasy qalmaǵan 6 jasar er bala anyqtalǵanyn jazǵan edik.
Almaty oblystyq prokýratýrasynyń málimetinshe, balanyń ata-anasy Ákimshilik quqyqbuzýshylyq týraly kodekstiń 127-babynyń 2-bóligi boiynsha jaýapkershilikke tartyldy. Sonymen qatar qamqorshylyq organ olardy ata-ana quqyǵyn shekteý týraly talappen sotqa júgingen.
