2017 jyl elimizdiń ekonomikasy úshin kúrdeli jyl bolady. Bul týraly Qazaqstan Prezidenti Nursultan Nazarbaevtyń qatysýymen ótip jatqan Úkimettiń keńeitilgen otyrysynda Ulttyq ekonomika ministri Timýr Súleimenov aitty, dep habarlaidy "Ult aqparat" Baq.kz portalyna silteme jasap.
«2017 jyl elimizdiń ekonomikasy úshin kúrdeli bolady dep kútilýde. Jahandyq ekonomikanyń aldynda energiia resýrstarynyń baǵasyna, AQSh ákimshiliginiń jańa saýda-ekonomikalyq saiasaty men turaqsyzdyqqa bailanysty syn-qaterler tur. Budan bólek, valiýta baǵamy, birqatar elderdegi saiasi belgisizdik pen áskeri qaqtyǵystarǵa orai da qiyndyqtar bolady», - dedi ministr.
«Osyndai saiasi-ekonomikalyq kúrdeli jaǵdaida biz sizdiń Joldaýyńyzǵa orai Qazaqstandy úshinshi jańǵyrtýdy bastaimyz», - dedi ol.
Aita keteiik, Qazaqstan Prezidenti Nursultan Nazarbaevtyń qatysýymen Úkimettiń keńeitilgen otyrysy ótip jatyr. Keńeitilgen otyrys ádettegidei Aqordada emes, Úkimette ótýde. Jiynda eldiń 2016 jylǵy áleýmettik-ekonomikalyq damýynyń qorytyndylary qaralyp jatyr.
