- «Feisbýk» áleýmettik jelisiniń negizin qalaýshy Mark Tsýkerberg áleýmettik jelidegi jalǵan jańalyqtar aǵyny Donald Tramptyń AQSh prezidenttigine sailaýda jeńiske jetýine yqpal etti degen syn aityp, jazǵyrǵandarǵa jaýap berdi.
«Feisbýktegi jalǵan aqparattar sailaý qorytyndysyna yqpal etti dep oilaýdyń ózi aqylǵa qonymsyz», - dedi Tsýkerberg Kaliforniia konferentsiiasynda sóz sóileý barysynda.
«Eger osyǵan senetin bolsańyzdar, onda Tramptyń jaqtastary sailaý naýqany barysynda neni jetkizýge tyrysqanyn durys uǵyna almaǵandaryńyz dep oilaimyn», - dep qosty biznesmen.
AQSh-ta liberaldyq ortada áleýmettik jeli Donald Trampqa sailaýshylardyń basym bóligine óz ideialaryn jetkizýge yqpal etti degen teoriia tarap ketti. Áleýmettik jeli bolmaǵanda, ol mundai múmkindikke ie bolmas edi, deidi synshylar.
Feisbýk jelisine 156 mln amerikalyq jazylǵan. Taiaýdaǵy zertteý nátijesine sensek, olardyń úshten ekisi barlyq jańalyqty osy saittan biledi eken, dep jazady Bi-bi-si.
