Búgin Úkimet otyrysynda QR Densaýlyq saqtaý ministri Aleksei Tsoi vaktsinatsiialaý qarqyny tómen óńirlerdi atady, dep habarlaidy "Ult aqparat".
«Búginde shamamen 4 mln vaktsina dozasy qoldanyldy. Onyń ishinde 1-komponentpen 2 547 363 adam ekpe aldy. Bul ekpe alýǵa jatatyn halyqtyń 25,7 paiyzyn quraidy. Al ekinshi komponentpen 1 435 334 adam qamtyldy», - dedi Aleksei Tsoi.
Onyń dereginshe, búginde ekpe pýnktterinde vaktsinanyń jetkizilikti dozasy, atap aitqanda 1-komponenttiń shamamen 1,2 mln, 2-kompnentiniń 914 myń dozasy bar.
«1-komponentpen vaktsinatsiialaýmen qamtýdaǵy eń tómengi kórsetkish Mańǵystaý oblysynda - 13,2, Qostanai oblysynda - 19,5 paiyzdy, 2-komponentpen de eń tómengi qamtý Mańǵystaý oblysynda 7,3 paiyzdy quraidy. Oblystardyń, qalalardyń ákimderi halyqty KVI-ge qarsy vaktsinatsiialaýmen qamtýdy jeke baqylaýǵa alyp, halyqty qosymsha yntalandyrý jetikterin arttyrýy jáne aqparattyq-túsindirý jumystaryn kúsheitýi qajet», - dedi ministr.
