Búgin QR Sybailas jemqorlyqqa qarsy is-qimyl agenttiginiń basshysy Alik Shpekbaev pen QR Densaýlyq saqtaý ministri Aleksei Tsoi densaýlyq saqtaý júiesindegi sybailas jemqorlyqqa qarsy is-qimyl máselelerin talqylady, dep habarlaidy "Ult aqparat".
Aleksei Tsoi vedomstvoda sybailas jemqorlyq táýekelderin anyqtaý men joiý boiynsha syndarly yntymaqtastyqqa daiyn ekenin jetkizdi.
«Pandemiia búkil densaýlyq saqtaý júiesiniń beriktigine emtihan boldy jáne bizdiń josparlarymyzǵa aitarlyqtai túzetýler engizdi. Jyldar boiy qordalanǵan problemalar kórinip, jumysymyzdyń keibir baǵyttaryndaǵy kemshilikter ashyldy. Tipti, olardyń ishinde bolyp kelgen sybailas jemqorlyq komponentteri bar», - dep atap ministr.
Málim etilgendei, sońǵy 15 jylda Qazaqstanda densaýlyq saqtaýdy qarjylandyrý kepildendirilgen tegin meditsinalyq kómek pen meditsinalyq saqtandyrýdy qosa alǵanda 8 esege ósti, iaǵni 2005 jylǵy 191,4 mlrd teńgeden 2020 jyly 1,6 trln teńgege deiin.
Al COVID -19-ben kúres sharalaryna qosymsha 300 mlrd teńgeden astam qarjy bólindi. Onyń úshten birinen astamy Densaýlyq saqtaý ministrligi arqyly bólindi. Shamamen 60 mlrd teńge karantindik is-sharalarǵa tartylǵan densaýlyq saqtaý qyzmetkerlerine ústemeaqy tóleýge jáne qosymsha yntalandyrýǵa baǵyttalǵan.
«Bul qarajatty iemdenýge nemese jymqyrýǵa jol bermeý mańyzdy. Ár bólingen teńge adresattarǵa meditsinalyq qyzmetter, JQQ, dárigerlerge arnalǵan syilyqaqy túrinde jetýi kerek. Dárigerler óz densaýlyǵyna qaýip tóndirip, pandemiianyń alǵy shebinde turady, halyqqa kómektesedi. Bul úshin men olarǵa agenttik atynan erekshe alǵys bildirgim keledi. Ekinshi jaǵynan, oń kúsh-jigerdiń áseri sybailas jemqorlyqty joiady. Ókinishke orai, bul qubylys ministrlikti jáne onyń vedomstvolyq baǵynysty uiymdaryn, sondai-aq jergilikti densaýlyq saqtaý basqarmalaryn ainalyp ótken joq», - dedi agenttik tóraǵasy Alik Shpekbaev.
Keńes barysynda osy kúnge deiin jinaqtalǵan, ásirese pandemiia kezinde aiqyn kóringen túiitkilder talqylandy. Olardyń keibiri júieli sipatqa ie jáne erekshe nazar aýdarýdy qajet etedi.
Agenttik pen ministrlik Áleýmettik meditsinalyq saqtandyrý qoryndaǵy sybailas jemqorlyq táýekelderine syrtqy taldaý júrgizý týraly birlesken buiryqqa qol qoidy.
Sondai-aq, sybailas jemqorlyqqa qarsy qyzmet osy taldaýdy Densaýlyq saqtaý ministrliginiń ortalyq apparatynda ótkizýdi josparlap otyr.
«Taldaýǵa azamattyq qoǵamdy keńinen tartý mańyzdy aspekt bolyp tabylady. Spikerler densaýlyq saqtaý salasyndaǵy qoǵamdyq baqylaýdy damytý qajettigine erekshe nazar aýdardy.
Ministrlik «COVID-19 Qazaqstannyń qoǵamdyq baqylaýy» dári-dármekpen qamtamasyz etý jáne meditsinalyq kómektiń sapasyn baqylaý boiynsha qoǵamdyq belsendiler qozǵalysyna jan-jaqty qoldaý kórsetedi.
Sonymen qatar, Densaýlyq saqtaý ministrliginiń Qoǵamdyq keńesine «jańadan dem berip», sarapshylar qaýymdastyǵynyń bilikti ókilderiniń syndarly qatysý múmkindikterin keńeitý kerek», - dedi Densaýlyq saqtaý ministrliginen.
Eske salaiyq, búgin Densaýlyq saqtaý ministri A.Tsoi «Nur Otan» partiiasynyń Májilistegi fraktsiiasynyń keńeitilgen otyrysynda koronavirýspen kúreske jumyldyrylǵan meditsina qyzmetkerlerine ótemaqy tóleý máselesi boiynsha esep bergen bolatyn.
Onda palata Tóraǵasy Nurlan Nyǵmatýlin atap ótkendei, aǵymdaǵy jyldyń 22 qyrkúiegindegi jaǵdai boiynsha, indetke shaldyqqan dárigerlerdiń jalpy sanynyń 14%-dan astamyna ǵana, sonymen birge qaitys bolǵan meditsina qyzmetkerleriniń otbasylarynyń 13% jeter-jetpesine ǵana tólem jasalǵan.
