Densaýlyq saqtaý ministri Aleksei Tsoi "kúzge deiin 10 million adamǵa vaktsina salý mindeti oryndalmasa, otstavkaǵa ketýge daiynsyz ba" degen suraqqa jaýap berdi, dep habarlaidy Sputnik Qazaqstan.
"Kez kelgen Úkimet múshesiniń kez kelgen máselesi Memleket basshysyna bailanysty. Sol sebepti bizdiń jumysymyzǵa qandai baǵa berilse, sondai sheshim qabyldanady", - dedi Tsoi baspasóz máslihatynda.
Ministr vaktsinalaý josparynyń oryndalýy ár qazaqstandyqqa bailanysty ekenin taǵy bir márte atap ótti.
"Vaktsina salý – erikti dúnie, sol sebepti biz eshkimdi májbúrlei almaimyz. Tek túsindirý jumysyn júrgizemiz, BAQ ókilderinen de aqparattyq qoldaý kórsetýdi suraimyz", - dedi ol.
Buǵan deiin Aleksei Tsoi qyrkúiekke deiin 10 million adamdy vaktsinalaý josparlanyp otyrǵanyn málimdegen edi. Ol aiyna shamamen eki million adamǵa vaktsina egiletinin aitty. Alaida jospar oryndalmai otyr: respýblika boiynsha vaktsinalaý qarqyny ázirge tómen.
16 maýsymdaǵy jaǵdai boiynsha Qazaqstanda 2 587 884 adam vaktsinanyń birinshi komponentin aldy, II komponent 1 480 309 adamǵa egildi.
