Álemniń 21 elinde koronavirýs infektsiiasynyń beti qaityp keledi. Sonyń ishinde Qazaqstanda syrqattaný jaǵdaiynyń tómendeýi – 17 paiyz, dep habarlaidy QazAqparat.
Densaýlyq saqtaý ministri Aleksei Tsoi Úkimet otyrysynda osyndai derek keltirdi.
«Búkil álemde koronavirýs infektsiiasynyń 240 millionnan astam, táýligine 300 myńǵa jýyq jaǵdai tirkelip otyr, 4,9 millionnan astam adam qaitys boldy.
Dúniejúzilik densaýlyq saqtaý uiymynyń Eýropa aimaǵyndaǵy málimetteri boiynsha, sońǵy eki aptada 54 eldiń 33-inde aýrýdyń ósýi baiqalǵan.
Sońǵy 14 kúnde aýrýdyń eń kóp ósýi Polshada baiqaldy. Onda syrqattaný deńgeii 122%-dan asqan. Grýziiada – 98%, Ýkrainada – 69%, Vengriiada – 50-dan astam, Armeniiada - 40%-dan astam, Reseide-30%, Moldovada – 20%-dan astam, Túrkiia, Aýstriia jáne Germaniia, Qyrǵyzstan, Belarýs elderinde 2-den 10%- ǵa deiin ósken», - dedi Aleksei Tsoi.
Onyń aitýynsha, syrqattaný deńgeiiniń túsýi 21 elde baiqalyp otyr.
«Syrqattaný kórsetkishi Izrailde 61%, Ispaniiada 43%, Shveitsariiada 39%, Chernogoriiada 24%, Italiiada 22%, Frantsiiada 16%, Ázirbaijanda 7% túsken. Qazaqstanda keiingi eki aptada syrqattaný 17% - ǵa tómendedi», - dedi Densaýlyq saqtaý ministri.
