QR Densaýlyq saqtaý ministri Aleksei Tsoi Azattyq Rýhy portalyna bergen suhbatynda vaktsinadan keiin tirkelgen ólim-jitim jaittaryna qatysty pikir bildirdi, dep habarlaidy QazAqparat.
«Jalpy alǵanda vaktsinadan bolǵan qaiǵyly jaǵdai tirkelgen joq. Adamdar birinshi jáne ekinshi dozasyn da alyp jatyr. Vaktsina alý kezinde týyndaǵan ár jaǵdai boiynsha tutas bir komissiia qurylyp, tekseredi. Bul jerde qaiǵyly jaittar men ekpeniń sáikes kelgen jaǵdailary ekenin túsingen óte mańyzdy. Elestetip kórińiz. Elimizde eresek halyqtyń 7,5 milliony ekpe alyp qoiǵan. Koronavirýsqa deiin de kún saiyn infarkten 5 adam, insýltten 10 adamǵa deiin, ózge aýrýlardan kún saiyn adamdar qaitys bolatyn. Olar sozylmaly aýrýlardyń áserinen, ilespe asqynýlardyń saldarynan, qan qysymynyń kóterilýinen buryn da qaitys bolyp jatatyn. Sol tendentsiia qazir de ózgerip jatqan joq», - dedi ministr.
Onyń aitýyna qaraǵanda, mundai jaǵdailar psiholoigialyq turǵyda vaktsina alǵan kezben bailanystyrylady da, azaattar birden vaktsinadan kóre bastaidy.
«Biraq sáikestik bolǵan jaittardyń bárinde ekpe alǵan adamnyń sozylmaly aýrýy, qysymy joǵary bolǵanyn nemese miynda aqaýlar bolǵanyn kórdik. Sondyqtan, aýrýdyń sozylmaly anamnezi bolǵan. Osyndai jaittyń árqaisysyn biz jeke qaraimyz. Árbir osyndai jaǵdai boiynsha naqty reglament bar», - dedi vedomstvo basshysy.
