Pfizer vaktsinasy Qazaqstanǵa ákelinse, balalar basym baǵdarda bolady. Biraq olardyń ekpeni alýy - ata-analardyń qalaýyndaǵy sharýa. Densaýlyq saqtaý ministri Aleksei Tsoi ortalyq kommýnikatsiialar qyzmetinde ótken brifingide osyndai ustanymyn aitty, dep habarlaidy QazAqparat.
«Biz úshin halyqtyń, sonyń ishinde balalar qaýymynyń vaktsinaǵa qol jetkize alýy óte mańyzdy. Balalardyń da ekpe alý quqyǵy bolǵany óte mańyzdy. Óitkeni qazir tek eresekter ǵana vaktsina qabyldai alady. Biz balalarǵa vaktsina usynylatyn merzimdi naqty aita almaimyz. Óitkeni balalardy vaktsinalaý protsesi tek erikti túrde bolady. Ata-analardyń kelisim berýi arqyly ǵana iske asady. Osy boiynsha túsindirý jumystaryn júrgizemiz», - dedi vedomstvo basshysy.
Ministrdiń sózine qaraǵanda, keibir ata-analar balalaryna vaktsina salǵyzǵysy keletinin aityp, tezirek soǵan jaramdy ekpe ákelýdi ótingen.
«Qazir bizge óte kóp ata-ana balalaryn vaktsinalaý týraly ótinish aityp jatyr. Ókinishke qarai, ázirge Qazaqstanda ondai vaktsina joq. Balalarǵa egýge keńes berilgen vaktsina (Pfizer red.) jetip, múmkindik paida bolǵan kezde biz birden qoljetimdilikti qamtamasyz etemiz. Bul vaktsina boiynsha balalar negizgi baǵdarda bolady. Ózińiz aitqandai 2 mln bala bar. Iaǵni, osynsha bala vaktsina ala alady. Másele qansha ata-ananyń balasyna vaktsina salýǵa niet tanytatynynda. Onyń bárin vaktsinalaý barysynda kóremiz. Balalarǵa ekpe salý tek erikti negizde júredi. Sondyqtan oqý jylyna deiin olardy vaktsinalaý máselesi kún tártibinde turǵan joq», - dedi Densaýlyq saqtaý ministri.
