Tsifrlyq tehnologiialardy terroristik maqsatta qoldanýdyń qaýpi jaily «Astana Club» otyrysynda reseilik PIR ortalyǵynyń tóraǵasy, general-leitenant Evgenii Býjinskii pikir bildirdi, dep habarlaidy QazAqparat.
«Astana Club» saiasi forýmy aiasynda ótken brifingte tilshiler osyndai suraqty Evgenii Býjinskiige qoiyp kórdi.
«Eger kiberqarý týraly aityp otyrǵan bolsańyzdar, bul ázirge beimálim óris. Sondyqtan oǵan jaqyndaýdyń ózi qiyn. Kiberqarýdyń qaýipti kúshi iadrolyq qarýdan asyp ketýi múmkindeitin kóptegen pikir bar. Biraq bul salany qalai retteý kerektigin áli eshkim bilmeidi. Óitkeni ajyratý óte qiyn: terrorister degen bul memleket pe, memlekettik emes uiymdardan turatyn top pa? Sondyqtan, eger kiberqarý terroristik maqsatta qoldanylsa, - ol, árine, óte qorqynyshty jaǵdai», - dedi Evgenii Býjinskii jýrnalisterdiń suraqtaryna jaýap bere otyryp.
Ol sondai-aq «jasandy intellekt» siiaqty tsifrlyq tehnologiiaǵa da toqtaldy.
«Ol tsifrlyq qarýlarǵa jaqyn. Zerttelmei jatyr. Sondyqtan, bul áli igerilmegen keń dala sekildi. Lańkestik maqsatta paidalanylsa, onyń zardaby aýyr bolýy múmkin», - dep tolyqtyrdy Evgenii Býjinskii.
Eske sala ketsek, Nur-Sultanda «Astana Club» saiasi forýmynyń besinshi otyrysy ótip jatyr. Otyrys barysynda «Eýraziia úshin 10 basty syn-qater» táýekelder reitingisiniń ekinshi basylymynyń tusaýy kesildi. Forým jumysyna 40-qa tarta álemdik bedeldi sarapshy men saiasatker qatysýda.
