Tsifrlyq oqý kýrsy arqyly jergilikti turǵyndar elektrondyq kommertsiiany meńgere alady. Bul týraly «Qazposhta» AQ Mańǵystaý oblystyq filialynyń direktory Mahabbat Seitova málimdedi.
«Biz jergilikti ákimdikpen jumys tobyn qurdyq. Ákim turǵyndardy oqýǵa shaqyrady. Sáikesinshe biz olarǵa baryp, e-kommertsiia týraly, qalai tapsyrys qabyldap, qalai tapsyrys berýdi aitamyz», - dedi M. Seitova.
Onyń aitýynsha, qazirgi tańda 1500-ge jýyq adam oqytylypty. E-kommertsiia týraly aitý úshin ári ketse 20-30 minýt ǵana ketedi eken. Onyń barlyǵy aýditoriianyń belsendiligine bailanysty. Eger de turǵyndardyń suraǵy kóp bolsa 40 minýtqa deiin ýaqyt alady.
Sondai-aq, ol elektrondyq saýdanyń mol múmkindikterine de toqtala ketti.
«Elimizde «Balkaymak» atty belgili kompaniia bar. Ol tek Respýblika kóleminde ǵana taralyp otyr. Al, eger biz otandyq kásipkerlerge tsifrlyq saýattylyq úiretetin bolsaq olar sheteldik kásiporyndarmen kelisim-shart jasaityn edi. Osy rette, motivatsiialyq bir mysaldy aita ketsem, Ýkrainada bir qyz bar, onyń jasy nebári 16-da. Sol qyz kitaptyń betine belgi salýmen ainalysady. Biraq, onyń osy kásip túrinen úlken somaǵa keteletinin kim bilgen?! Al, oǵan qalai qol jetkizdi deisiz ǵoi?! Bar bolǵany óz týyndylaryn saitqa salǵan. Nátijesinde, jer sharynyń túkpir-túkpirindegi tutynýshylar tapsyrys beripti», - dedi direktor.
Aqtaýda onlain-saýdany damytý maqsatynda birqatar tyń jumystar jasalyp jatyr. Solardyń biri – «AliExpress» atty álemdik alpaýyt kompaniiamen jasalǵan kelisim.
«Qazposhta» AQ elektrondyq saýdany damytý maqsatynda dep atalatyn halyqaralyq kompaniiamen kelisimge keldi. Ol osy salada eń mańyzdy oiynshylardyń biri sanalady. Búginde Mańǵystaý oblysynyń turǵyndary «AliExpress» qosymshasyn paidalanady», - dep túiindedi ol.
Aita keteiik, 2017 jyldaǵy orta ailyq kórsetkish boiynsha elektrondyq saýdany 38 myń adam tutynǵan. Al, 2018 jyldyń 6 aiyndaǵy bul kórsetkish 64 myń adamdy qurap otyr. «Qazposhta» AQ-nyń negizgi baǵyttarynyń biri - logistikalyq infraqurylymdy modernizatsiialaý. Osy rette, drondar iske qosyldy. Olar tiisinshe aýyldaǵy alys aǵaiynǵa gazet-jýrnal nemese taýarlar tasýmen ainalysady. Ol shamamen 8 kg júkti kótere alady. Osylaisha avtomobil joldary nashar aimaqtarǵa drondar taýarlardy jetkizip berip, poshta jumysyn jeńildetýde. Sondai-aq, «Qazposhtanyń» qalalyq jáne aýyldyq bólimsheleri offlain arnalar bolyp tabylady. Al, onlain arnasy - Post.kz portaly. Buǵan qosa, @KazPostBot – Telegramm-bottyń kómegimen aqparattardy baqylap, valiýta baǵamyn bilip, aqsha aýdarymdaryn jasaýǵa, teńgerim toltyrýǵa, jol qozǵalysy týraly aqparatqa qol jetkizýge bolady. «Qazposhtanyń» osy jetistikteriniń bári derlik tsifrlandyrý barysynda paida boldy.
