QR Indýstriia jáne infraqurylymdyq damý ministrligi tsifrlyq damý ministrligimen, "Qazaqstannyń aviatsiialyq ákimshiligi" AQ-men, Nur-Sultan jáne Almaty qalalarynyń áýejailarymen birlesip "Air Astana" áýe kompaniiasynyń Nur-Sultan – Almaty jáne Almaty – Nur-Cultan baǵyty boiynsha reisterinde tsifrlyq qujattardy paidalaný jónindegi pilottyq jobany iske qosty. Elektrondyq jeke kýálikti EGOV mobile qosymshasy arqyly kórsetilgen áýejailardy tirkeý, tekserý jáne otyrǵyzý pýnktterinde qoldanýǵa bolady, - dep habarlaidy «Ult aqparat».
Jolaýshylarǵa jeke kýáliktiń túpnusqasy bolýy usynylady. Pilottyq joba kezinde tsifrlyq qujattar jolaýshynyń mártebesin tekserýdiń balama nusqasy bolyp tabylady.
EgovMobile-da "tsifrlyq qujattar" servisimen generatsiialanǵan QR-code esepteý boiynsha "E-document" baǵdarlamalyq qamtamasyz etý Nursultan Nazarbaev áýejaiymen birlesip ázirlendi. Joba Memleket basshysynyń "jeke kýálikter, diplomdar men quqyqtardy elektrondyq túrde berý jónindegi protsesterdi tsifrlandyrý jáne memlekettik organdardyń jumysyna engizý"tapsyrmasyn oryndaý maqsatynda engiziledi.
Sonymen qatar eldegi epidemiologiialyq jaǵdaiǵa bailanysty Nursultan Nazarbaev halyqaralyq áýejaiynda 10 mamyrdan bastap Ashyq qosymshasy arqyly jolaýshylarǵa ruqsat berý jobasy engizilýde. 12 mamyrdan bastap jobany tolyqqandy iske qosý josparlanǵan.
Mobildi qosymshany QR Densaýlyq saqtaý ministrliginiń jalpy bazasymen integratsiialaý esebinen jolaýshynyń mártebesi anyqtalady: ol qazirgi ýaqytta virýstyń tasymaldaýshysy bolyp tabyla ma, joq pa sol tekseriledi. Iaǵni jolaýshylar men aviakompaniialar men áýejai qyzmetkerleriniń qaýipsizdigi úshin qabyldanyp jatqan sanitariialyq sharalarǵa qosymsha baqylaý retinde engizildi.
Ashyq qosymshasyn qoldaný jolaýshylar men qyzmetkerler úshin qosymsha qaýipsizdik kepili bolyp tabylady.
"Osyǵan bailanysty, barlyq jolaýshylardan áýejaiǵa kelgenge deiin aldyn ala qosymshany júktep alyp, óz statýsyn tekserýdi suraimyz. Terminal ǵimaratyna sary jáne qyzyl mártebesi bar jolaýshylarǵa ruqsat berilmeidi. Reiske jiberilmegen jaǵdaida, qarajatty qaitarý máselesin aviakompaniiaǵa jiberý kerek",-delingen áýejaidyń baspasóz qyzmetiniń habarlamasynda.
Almaty áýejaiyna Ashyq qosymshasy boiynsha kirý 2021 jyldyń 21 mamyrynan bastap engiziledi.
Qazaqstannyń Bas memlekettik sanitarlyq dárigeriniń altynshy mamyrdaǵy qaýlysyna sáikes, jolaýshylar áýejaiǵa kelgenge deiin Ashyq mobildi qosymshasyn júktep, ózderiniń mártebesin tekserýi qajet.
Aita keteiik, 17 qańtardan bastap shaǵyn jáne orta biznestiń jekelegen nysandaryna qoljetimdilik QR tsifrlyq damý, innovatsiialar jáne aeroǵarysh ónerkásibi ministrligi men QR Densaýlyq saqtaý ministrligi "Ashyq" mobildi qosymshasyn engizdi.
QR-kodty skanerleý kezinde qosymshada kelýshiniń mártebesi anyqtalady:
Eger adam koronavirýsqa PTR testin tapsyryp, oń nátije alsa, "qyzyl " mártebe beriledi. Bul mártebeniń ielerine úidi oqshaýlaýdyń qatań rejimin saqtaý tapsyryldy.
"Sary" bailanysta bolǵan adamdarǵa beriledi. Olarǵa azyq-túlik alýǵa nemese úidiń janyndaǵy dárihanaǵa barýǵa ruqsat bar, biraq basqa qoǵamdyq oryndarǵa barýǵa tyiym salynǵan.
"Kók" PTR-test mindetti oryndardan basqa barlyq jerde erkin qozǵalýdy bildiredi.
"Jasyl" – tolyq qozǵalys erkindiginiń belgisi.
1 shildeden bastap qosymshada adamnyń vaktsinatsiialanǵanyn kórýge bolady.
Esterińizge sala keteiik, QR Indýstriia jáne infraqurylymdyq damý ministrligi tsifrlyq damý ministrligimen, "Qazaqstannyń aviatsiialyq ákimshiligi" AQ-men, Nur-Sultan jáne Almaty qalalarynyń áýejailarymen birlesip "Air Astana" áýe kompaniiasynyń Nur-Sultan – Almaty jáne Almaty – Nur-Cultan baǵyty boiynsha reisterinde tsifrlyq qujattardy paidalaný jónindegi pilottyq jobany iske qosty. Elektrondyq jeke kýálikti EGOV mobile qosymshasy arqyly kórsetilgen áýejailardy tirkeý, tekserý jáne otyrǵyzý pýnktterinde qoldanýǵa bolady.
Jolaýshylarǵa jeke kýáliktiń túpnusqasy bolýy usynylady. Pilottyq joba kezinde tsifrlyq qujattar jolaýshynyń mártebesin tekserýdiń balama nusqasy bolyp tabylady.
