QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin barlyq vedomstvoda tsifrlandyrýǵa jaýapty vitse-ministrler úshin KPI engizýdi usyndy, dep habarlaidy QazAqparat agenttigi.
«Árbir memlekettik organda tsifrlandyrý salasyna vitse-ministr bar. Qazirgi kezde tsifrlandyrý boiynsha ár vitse-ministrde naqty KPI bolýy úshin tiisti jumystardy atqaryp jatyrmyz. Bul turǵyda aqparattyq júielerdiń qoljetimdigi, avtomattandyrýdyń tiimdiligi men sapasy eskeriledi», - dedi Mýsin Májilistegi Úkimet saǵatynda.
Onyń aitýynsha, atalǵan KPI jyl sońyna deiin bekitiledi. Al kelesi jyldan bastap tiisti memlekettik organnyń tiimdiligin kórsetedi.
«Úilestirý Tsifrlyq damý ministrligine bekitilgen. Osyndai tetikter arqyly memlekettik organdardy qamtyp, tiisti deńgeige shyǵarmaqpyz. Qazirgi kezde bir memlekettik organ avtomattandyrýda ilgeri kele jatsa, basqalary turalap qalǵan. Osyndai organdarda arhivteri tsifrlanbai, jumystar atqarylmaǵan. Máselen, qaǵaz qujattardy suratý qajettigi boldy, iaǵni zeinetaqyny rásimdeý kezinde eńbek kitapshasy suraldy. Men qyzmetke kirisken kezde osy máselemen ainalystym, sebebi tuǵyndar osyǵan bailanysty shaǵymdaryn aitty. Shyn máninde, jergilikti jerlerde kadr máselesi boiynsha eńbek arhivterin tsifrlandyrmaiynsha, osynyń barlyǵyn júrgize almaimyz. 1998 jyldan bastap jumysqa kirisken adamdarǵa avtomatty túrde onlain qyzmet kórsete alamyz, al erterekte jumysty isteýdiń bastaǵan adamdar eńbek kitapshalaryn tapsyrýǵa májbúr. Arhifterdiń tsifrlandyrylmaýy osyndai jaǵdaiǵa alyp kelip jatyr. Sondyqtan osy máselelerdi KPI-da árbir vitse-ministrge qoiamyz», - dedi Mýsin.
