قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين بارلىق ۆەدومستۆودا تسيفرلاندىرۋعا جاۋاپتى ۆيتسە-مينيسترلەر ٷشٸن KPI ەنگٸزۋدٸ ۇسىندى, دەپ حابارلايدى قازاقپارات اگەنتتٸگٸ.
«ەربٸر مەملەكەتتٸك ورگاندا تسيفرلاندىرۋ سالاسىنا ۆيتسە-مينيستر بار. قازٸرگٸ كەزدە تسيفرلاندىرۋ بويىنشا ەر ۆيتسە-مينيستردە ناقتى KPI بولۋى ٷشٸن تيٸستٸ جۇمىستاردى اتقارىپ جاتىرمىز. بۇل تۇرعىدا اقپاراتتىق جٷيەلەردٸڭ قولجەتٸمدٸگٸ, اۆتوماتتاندىرۋدىڭ تيٸمدٸلٸگٸ مەن ساپاسى ەسكەرٸلەدٸ», - دەدٸ مۋسين مەجٸلٸستەگٸ ٷكٸمەت ساعاتىندا.
ونىڭ ايتۋىنشا, اتالعان KPI جىل سوڭىنا دەيٸن بەكٸتٸلەدٸ. ال كەلەسٸ جىلدان باستاپ تيٸستٸ مەملەكەتتٸك ورگاننىڭ تيٸمدٸلٸگٸن كٶرسەتەدٸ.
«ٷيلەستٸرۋ تسيفرلىق دامۋ مينيسترلٸگٸنە بەكٸتٸلگەن. وسىنداي تەتٸكتەر ارقىلى مەملەكەتتٸك ورگانداردى قامتىپ, تيٸستٸ دەڭگەيگە شىعارماقپىز. قازٸرگٸ كەزدە بٸر مەملەكەتتٸك ورگان اۆتوماتتاندىرۋدا ٸلگەرٸ كەلە جاتسا, باسقالارى تۇرالاپ قالعان. وسىنداي ورگانداردا ارحيۆتەرٸ تسيفرلانباي, جۇمىستار اتقارىلماعان. مەسەلەن, قاعاز قۇجاتتاردى سۇراتۋ قاجەتتٸگٸ بولدى, ياعني زەينەتاقىنى رەسٸمدەۋ كەزٸندە ەڭبەك كٸتاپشاسى سۇرالدى. مەن قىزمەتكە كٸرٸسكەن كەزدە وسى مەسەلەمەن اينالىستىم, سەبەبٸ تۇعىندار وسىعان بايلانىستى شاعىمدارىن ايتتى. شىن مەنٸندە, جەرگٸلٸكتٸ جەرلەردە كادر مەسەلەسٸ بويىنشا ەڭبەك ارحيۆتەرٸن تسيفرلاندىرمايىنشا, وسىنىڭ بارلىعىن جٷرگٸزە المايمىز. 1998 جىلدان باستاپ جۇمىسقا كٸرٸسكەن ادامدارعا اۆتوماتتى تٷردە ونلاين قىزمەت كٶرسەتە الامىز, ال ەرتەرەكتە جۇمىستى ٸستەۋدٸڭ باستاعان ادامدار ەڭبەك كٸتاپشالارىن تاپسىرۋعا مەجبٷر. ارحيفتەردٸڭ تسيفرلاندىرىلماۋى وسىنداي جاعدايعا الىپ كەلٸپ جاتىر. سوندىقتان وسى مەسەلەلەردٸ KPI-دا ەربٸر ۆيتسە-مينيسترگە قويامىز», - دەدٸ مۋسين.
