QR Tsifrlyq damý, qorǵanys jáne aeroǵarysh ónerkásibi ministriniń orynbasarlary taǵaiyndaldy.
QR Tsifrlyq damý, qorǵanys jáne aeroǵarysh ónerkásibi ministrliginiń QR Tsifrlyq damý, innovatsiialar jáne aeroǵarysh ónerkásibi bolyp qaita atalýyna bailanysty, QR Úkimetiniń qaýlysymen tsifrlyq damý, innovatsiialar jáne aeroǵarysh ónerkásibi vitse-ministrleri qyzmetterine Marat Rahmalyuly Nurǵojin, Ashat Elýbaiuly Orazbek, Abylaihan Esenuly Ospanov, Daryn Shylbyuly Tuiaqov taǵaiyndaldy. Bul týraly QR Premer-Ministriniń baspasóz qyzmeti habarlaidy.
Marat Nurǵojin 1957 jyly Aqmola oblysynda dúniege kelgen. N. Baýman atyndaǵy Máskeý joǵary tehnikalyq ýchilishesin bitirgen. Eńbek jolyn 1980 jyly bastaǵan. Túrli jyldary Qaraǵandy politehnikalyq institýtynda, Qaraǵandy memlekettik tehnikalyq ýniversitetinde, Bilim jáne ǵylym ministirliginde, «Samǵaý» ulttyq ǵylymi-tehnologiialyq holdingi» AQ, «Qazaqstan Ǵarysh Sapary» ulttyq kompaniiasy» AQ jumys istegen. 2016–2019 jyldary — qorǵanys jáne aeroǵarysh ónerkásibi vitse-ministri. 2019 jylǵy sáýirde tsifrlyq damý, qorǵanys jáne aeroǵarysh ónerkásibi vitse-ministri bolyp taǵaiyndaldy.
Ashat Orazbek 1976 jyly Qaraǵandy qalasynda týǵan. E.A. Bóketov atyndaǵy Qaraǵandy memlekettik ýniversitetin bitirgen. Eńbek jolyn 1995 jyly QR Bilim jáne ǵylym ministrliginiń Qoldanbaly matematika institýty zerthanasynyń injeneri bolyp bastaǵan. Túrli jyldary QR Prezident Ákimshiliginiń Aqparattandyrý jáne memlekettik qupiialardy qorǵaý bólimi sektorynyń meńgerýshisi boldy, «Ulttyq aqparattyq tehnologiialar» AQ jáne «Zerde» ulttyq aqparattyq-kommýnikatsiialyq holdingi» AQ, «QazTransOil» AQ, «Transtelekom» AQ basshylyq laýazymdardy atqardy. 2017 jyldyń aqpanynan bastap QR Blokchein jáne kriptotehnologiialardy damytý qaýymdastyǵynyń vitse-prezidenti boldy. 2019 jylǵy sáýirde tsifrlyq damý, qorǵanys jáne aeroǵarysh ónerkásibi vitse-ministri bolyp taǵaiyndaldy.
Abylaihan Ospanov 1986 jyly Almaty q. dúniege kelgen. L. Gýmilev atyndaǵy Eýraziia ulttyq ýniversitetin, Sh. Ýálihanov atyndaǵy Kókshetaý memlekettik ýniversitetin bitirgen. Túrli jyldary «Jasyl El» jastar eńbek jasaqtary respýblikalyq shtabynda, túrli kommertsiialyq uiymdarda, «Ulttyq aqparattyq tehnologiialar» AQ, ishki ister, bailanys jáne aqparat, kólik jáne kommýnikatsiialar, investitsiialar jáne damý ministrlikterinde, QR aqparat jáne bailanys agenttiginde, «Nur Otan» partiiasynyń ortalyq apparatynyń qabyldaýynda, «Almaty qalasyn damytý ortalyǵy» AQ jumys istedi. 2017–2019 jj. «Azamattarǵa arnalǵan úkimet» Memlekettik korporatsiiasy» KEAQ Basqarma tóraǵasy boldy. 2019 jylǵy sáýirde tsifrlyq damý, qorǵanys jáne aeroǵarysh ónerkásibi vitse-ministri bolyp taǵaiyndaldy.
Daryn Tuiaqov 1969 jyly Almaty oblysynda dúniege kelgen. Iu.V. Andropov atyndaǵy Leningrad joǵary áskeri-saiasi áýe qorǵanysy ýchilishesin, Ál-Farabi atyndaǵy Qazaq ulttyq ýniversitetin, RF Prezidenti janyndaǵy Resei halyq sharýashylyǵy jáne memlekettik qyzmet akademiiasyn Halyqaralyq biznes akademiiasyn bitirgen. Eńbek jolyn 1990 jyly bastaǵan. Áýe qorǵanys kúshteri radiotehnikalyq ásker jeke radiolokatsiialyq rotasynyń komandiriniń orynbasary, QR Ádilet ministrliginiń jetekshi keńesshisi bolyp jumys istedi. 2002 jyldan 2018 jyl aralyǵynda «Qazaqtelekom» AQ túrli qyzmetterde — zań bóliminiń bastyǵynan bas direktorǵa, Apparat basshysy, Basqarma múshesine deiingi qyzmetterdi atqardy. 2018–2019 jj. — aqparat jáne kommýnikatsiialar vitse-ministri. 2019 jylǵy sáýirde tsifrlyq damý, qorǵanys jáne aeroǵarysh ónerkásibi vitse-ministri bolyp taǵaiyndaldy.
