«Tsifrly Qazaqstan» memlekettik baǵdarlamasy aiasynda Almaty qalasynda múmkindigi shekteýli jandar úshin egov.kz buryshy ashyldy. Budan bylai, Atakent aýdanynyń turǵyndary memlekettik qyzmetterdi Halyqqa qyzmet kórsetý ortalyqtaryna barmai-aq ala alatyn boldy, - dep habarlaidy «Ult aqparat».
Dál osy ýaqytta «Galereia» saýda oiyn-saýyq ortalyǵynda elektrondyq úkimettiń ózine-ózi qyzmet kórsetý buryshy ashylǵan bolatyn.
Endi Atakent aýdanynyń turǵyndary memlekettik qyzmetterdi Halyqqa qyzmet kórsetý ortalyqtaryna barmai-aq ala alady. «Galereia» SOK-ta ózine-ózi qyzmet kórsetýge arnalǵan eki burysh koronavirýstyq infektsiianyń taralýyn boldyrmaý jáne HQO ǵimarattarynda azamattardyń jinalýyn barynsha azaitý maqsatynda jumys istep bastady. Atalǵan eki buryshtyń ekinshi qabaty Almaty qalasynyń barlyq turǵyndary úshin bolsa, birinshi qabatyn múmkindigi shekteýli jandar úshin jumys istep otyr.
«Ózine-ózi qyzmet kórsetý aimaqtary Halyqqa qyzmet kórsetý ortalyqtaryndaǵy kezekti joiýǵa baǵyttalǵan. Buryshtar azamattardyń HQO ǵimarattarynda shoǵyrlanýyn boldyrmaidy jáne koronavirýstyń taralý qaýpin azaitady. Munda kompiýteri nemese interneti joq azamattar elektrondyq úkimet portalynda qoljetimdi qyzmetterdi óz betinshe ala alady», – dep túsindirdi «Azamattarǵa arnalǵan úkimet» MK KEAQ Almaty qalasy boiynsha filialynyń direktory Daniiar Qyryqbaev.
Aita keteiik, atalǵan ózine-ózi qyzmet kórsetý buryshyna HQO mamandary bekitilgen. Olar azamattarǵa elektrondyq úkimet portalynda jáne Telegram mobildi qosymshasynda jumys isteý boiynsha aqparattar beredi.
«Bir Almatynyń ózinde qanshama múmkindigi shekteýli jandar bar. Olardyń qatarynda ózim de bolǵandyqtan, biz úshin qajetti qujattarymyzdy Halyqqa qyzmet kórsetý ortalyqtary arqyly alý qiynǵa soǵyp jatady. Degenmen, búgingi tańda qoǵam biz siiaqty azamattardy da qalypty jaǵdaida qabyldap, el ishinde emin-erkin júre alatyn jaǵdaiǵa jettik. Búgin qalanyń qaq ortasynda Halyqqa qyzmet kórsetý ortalyqtarynyń birinde biz úshin arnaiy burysh jumys istei bastaǵanyna kýá bolyp otyrmyz. Sondyqtan biz bul jańalyqty qýana qabyldadyq», - dedi Almaty qalasynyń turǵyny Tórehan Shalov.
Aita keteiik, ózine-ózi qyzmet kórsetý buryshy Qazaqstan Respýblikasy Memlekettik qyzmet isteri agenttigi Almaty qalasy boiynsha departamentiniń bastamasymen Almaty qalasy boiynsha «Azamattarǵa arnalǵan úkimet" MK filialy men birlesip ashyldy.
Buryshtyń ashylýyna egov.kz «Azamattarǵa arnalǵan úkimet» MK KEAQ Almaty qalasy boiynsha filialynyń direktory Daniiar Qyryqbaev, QR Memlekettik qyzmetisteri agenttiginiń Almaty qalasy boiynsha departamentiniń basqarma basshysy Nurjan Ózbehanov, bas mamany Maqsat Jańbyrshiev, QR Memlekettik qyzmetisteri agenttiginiń Almaty qalasy boiynsha departamenti vedomstva aralyq jumys tobynyń músheleri – «Podranki – Sharasyzdar» qoǵamdyq birlestiginiń tóraiymy Ǵaliia Tobataeva, «Keń peiil» qoǵamdyq birlestiginiń tóraǵasy Anatolii Megai, «Ekspo-Dizain» JShS ókilderi jáne basqa da qoǵamdyq uiymdar men front-ofister basshylary qatysty.
Sonymen, qazirgi ýaqytta Qazaqstanda elektrondyq memlekettik qyzmetterdi yńǵaily alý úshin alty júzge jýyq, Almaty qalasynda 15-ke jýyq egov ózine-ózi qyzmet kórsetý buryshtary jumys isteidi.
Esterińizge sala keteiik, «Tsifrly Qazaqstan» memlekettik baǵdarlamasy aiasynda Almaty qalasynda múmkindigi shekteýli jandar úshin egov.kz buryshy ashyldy. Budan bylai, Atakent aýdanynyń turǵyndary memlekettik qyzmetterdi Halyqqa qyzmet kórsetý ortalyqtaryna barmai-aq ala alatyn boldy. Dál osy ýaqytta «Galereia» saýda oiyn-saýyq ortalyǵynda elektrondyq úkimettiń ózine-ózi qyzmet kórsetý buryshy ashylǵan bolatyn. «Galereia» SOK-ta ózine-ózi qyzmet kórsetýge arnalǵan eki burysh koronavirýstyq infektsiianyń taralýyn boldyrmaý jáne HQO ǵimarattarynda azamattardyń jinalýyn barynsha azaitý maqsatynda jumys istep bastady. Atalǵan eki buryshtyń ekinshi qabaty Almaty qalasynyń barlyq turǵyndary úshin bolsa, birinshi qabatyn múmkindigi shekteýli jandar úshin jumys istep otyr.
