«Tsifrlyq Qazaqstan» memlekettik baǵdarlamasy aiasynda Aqmola oblysynda jalpy bilim beretin 555 mektep 4-ten 8 Mbit/sekýnd jáne odan joǵary jyldamdyqty keń jolaqty internet jelisine qosyldy, - dep habarlaidy «Ult aqparat».
Bul Bilim jáne ǵylymdy damytýdyń 2020-2025 jyldarǵa deiingi jáne «Tsifrly Qazaqstan» memlekettik baǵdarlamasy sheńberinde bilim salasy júiesin tsifrlandyrý boiynsha belsendi jumys júrgizilip jatqanynyń aiqyn kórinisi bolyp otyr.
«Búgingi kúni internet-resýrstarda oqýshylardyń bilim berý úrdisterine qatysýyna jáne muǵalimmen keri bailanys jasaýyna, onlai sabaqtarǵa qatysýǵa, sabaqtardy jazyp, saqtaýǵa múmkindik beredi. Bilim berý platformalaryna oblystyń 15 aýdany men qalalaryndaǵy barlyq mektep qosyldy. Kókshetaý jáne Stepnogor qalalarynda «Online Mektep» modýli Bilimland platformasy qoldanylady. Ereimentaý jáne Shortandy aýdandary oqý úrdisinde «DDaryn.online platformasyn qoldanady», - dedi oblystyq bilim basqarmasynyń basshysy Valerii Gamazov.
Oblystyq bilim basqarmasynyń málimetinshe, úsh tilde qyryq myń sabaq pen bir millionnan astam mýltimediialyq material bar «Bilimland» bilim berý platformasyn qoldaný muǵalimniń jumysyn jeńildep otyr. Atap aitqanda, qazirgi tańda 16 myńnan astam kompiýter tehnikasy bar. Biyl 2460 kompiýter satyp alynǵan. Memlekettiń qoldaýynyń arqasynda óńirge 23 myń kompiýter satyp alý múmkindigi usynylǵan. Bul kórsetkish oblystaǵy oqýshylardyń kompiýter tehnikasyna degen suranysyn eki esege azaitatyny sózsiz.
Sonymen qatar, belgili bolǵanyndai, oblystaǵy barlyq 1321 bilim berý uiymy Ulttyq bilim berý bazasynyń málimetteri resýrstaryn qoldaný arqyly jumys isteidi.
«Tsifrlandyrý mektepke deiingi bilim berý mekemelerinde de júzege asyrylýda. Búgingi kúni kez kelgen ata – ana balasyn elektrondy júie arqyly esepke qoia alady. Osy júie arqyly 14 myńnan astam bala mektepke deiingi bilim berý mekemesine kezekke qoiyldy. Búgigi tańda damytýdyń 2020-2025 jyldarǵa deiingi jáne «Tsifrly Qazaqstan» memlekettik baǵdarlamasy aiasynda barlyq sala qashyqtan qyzmet kórsetip, onlain jumys isteýge kóshti. Elimizdegi ǵana emes, álemdegi jaǵdaidy qiyndata túsken pandemiia áserinen biz tsifrlanýdy júzege asyrýdy qarqyndy túrde júzege asyra bastadyq. Ásirese bilim berý salasyna ońaiǵa soqpady. Balabaqshadan bastap, mektep, kolledj, joǵarǵy oqý oryndary da qashyqtan lbilim berip, onlain oqytyp otyr. Munyń ózi «Tsifrly Qazaqstannyń» bir kórinisi dep baǵalaýymyzǵa bolatyn shyǵar», - dep tolyqtyrdy Valerii Gamazov.
Esterińizge sala keteiik, «Tsifrlyq Qazaqstan» memlekettik baǵdarlamasy aiasynda Aqmola oblysynda jalpy bilim beretin 555 mektep 4-ten 8 Mbit/sekýnd jáne odan joǵary jyldamdyqty keń jolaqty internet jelisine qosyldy. Bul Bilim jáne ǵylymdy damytýdyń 2020-2025 jyldarǵa deiingi jáne «Tsifrly Qazaqstan» memlekettik baǵdarlamasy sheńberinde bilim salasy júiesin tsifrlandyrý boiynsha belsendi jumys júrgizilip jatqanynyń aiqyn kórinisi bolyp otyr.
