Qazaqstanda tsifrlandyrý jumystary nátijesinde iri kompaniialardyń tabys kólemi artyp keledi. Atap aitqanda, ótken jyly «Samuryq Qazyna» ulttyq ál-aýqat qoryndaǵy taza paida 28 mlrd. teńgeni quraǵan.
QR Tsifrlyq damý, innovatsiialar jáne aeroǵarysh ónerkásibi ministri Asqar Jumaǵalievtiń aitýynsha, «Samuryq-Qazyna» – tsifrlandyrý baǵdarlamasyndaǵy negizgi oiynshylardyń biri. Sol sebepti de, kompaniianyń el ekonomikasyn tsifrlandyrýdaǵy úlesi zor sanalady.
Búginde transformatsiialaý jáne tsifrlandyrý baǵdarlamasyn biriktirý arqyly oń ózgerister oryn alyp, nátije jaqsara túsken. Biyl bul kórsetkish 40,7 mlrd. teńgege jetedi dep josparlanyp otyr.
«Ótken jyly tsifrlandyrýdan kútilip otyrǵan paida kólemi zor ekendigin kórsetip, jobalarǵa aitarlyqtai mol biýdjet suraǵan portfeldik kompaniialarmen qyzý pikir talastyrǵan edik. Olarǵa baǵyndyrylatyn naqty kórsetkishterdi kórsetýge týra keldi. Esesine búgin ózderi baiandaityn jobalar shynymen de tabys ákelip, básekege qabilettilik týdyratynyn biletin bolamyz», – dep atap ótti «Samuryq-Qazyna» ulttyq ál-aýqat qorynyń Basqarma tóraǵasy Ahmetjan Esimov.
Aita keteiik, elimizdegi jetekshi kompaniialar tsifrlyq ekonomikany alǵa jyljytý maqsatynda tsifrlyq formatqa kóship jatyr. Osyǵan orai, «Samuryq-Qazyna» UÁQ-ǵa qarasty portfeldik kompaniialardyń barlyǵy tsifrlyq tehnologiialardy keńinen qoldanýda.
«Tsifrlyq Qazaqstan» memlekettik baǵdarlamasy aiasynda birqatar kompaniialar kóptegen jobany júzege asyrý ústinde. Máselen, «Qazaqstan Temir Joly» UQ» AQ tasymaldaý qujattaryn elektrondy formatqa aýystyrý jobasyn qolǵa alsa, «QazMunaiGaz» UQ» AQ munai óńdeý zaýyttaryndaǵy jóndeýaralyq kezeńdi uzartatyn jobamen ainalysyp jatyr. Al «Qazposhta» AQ «Qazaqstan Respýblikasynda V2V2S qyzmetterin damytý» jobasyn iske asyrýdy kózdeidi.
