Almaty qalasynyń Túrksib aýdanynda halyqaralyq «Janashyr» qoǵamdyq qory men «Azamattarǵa arnalǵan úkimet» memlekettik korporatsiiasynyń uiymdastyrýymen «Tsifrlan! Trendte bol!» aktsiiasy ótti.
Aktsiia barysynda «Azamattarǵa arnalǵan úkimet» memlekettik korporatsiiasy mamandary Túrksib aýdanyndaǵy ártúrli sanattaǵy azamattarǵa tsifrlyq qyzmetterge qalai qol jetkizýge bolatyndyǵyn túsindirdi. Sonyń ishinde ETsQ-ny, Egovkzbot jáne Mgov qosymshalaryn paidalaný joldaryn úiretti.
«Tsifrlyq Qazaqstan – bolashaqqa baǵdar» taqyrybyndaǵy is-sharalar aiasynda «Tsifrlan! Trendte bol!» aktsiiasyn uiymdastyrdyq. Qatysýshylar sany kún sanap artyp keledi. Jastar, stýdentter óz qatarlastaryn úiretýde. Aktsiiaǵa qalanyń máslihat depýtattary, qoǵamdyq keńes músheleri qatysty. Aldaǵy ýaqytta mundai sharalardyń mańyzdylyǵy artyp, tsifrlyq saýatty turǵyndar kóbeie beredi dep úmittenemiz», – deidi shara uiymdastyrýshysy, halyqaralyq «Janashyr» qorynyń prezidenti Jańyl Ápetova.
Aita ketsek, «Tsifrlan! Trendte bol!» aktsiiasy maýsym aiynda ál-Farabi atyndaǵy Qazaq ulttyq ýniversitetinde bastalǵan bolatyn. Sharanyń basty maqsaty – halyqtyń tsifrlyq saýattylyǵyn arttyrý, aǵartý-nasihat jumystaryna kóshbasshy jastardy tartý.
Qazirgi tańda telegram-bot (@EgovKzBot) arqyly memlekettik qyzmettiń 25 túri qoljetimdi. Atap aitsaq, mekenjai anyqtamasy, zeinetaqy aýdarymy týraly anyqtama, psiho jáne narkodispanserden anyqtama, sondai-aq kezekti onlain brondaý, dárigerdi úige shaqyrý siiaqty basqa da anyqtamalardy alýǵa bolady.
Mobildi mGov.kz qosymshasy boiynsha 90 memlekettik qyzmet qoljetimdi. Bul qosymsha ótken jyly 1,3 mln ret júktelip, 3,6 mln qyzmet alynǵan.
Búginde halyqtyń tsifrlyq saýattylyq deńgeii 77%-ǵa jetken. 2022 jylǵa qarai bul kórsetkishti 83%-ǵa deiin arttyrý josparlanǵan.
