«Uly Dalanyń jeti qyry» maqalasynda aitylǵan atqa miný mádenietin jańǵyrtý maqsatynda «Kieli Qazaqstan» jobasy men jastar jyly aiasynda «AT TRAVEL.KZ» klýbynyń uiymdastyrýymen Tselinograd aýdanyndaǵy qasietti jerlerge atpen saiahat jasaldy. Qatysýshylar Taitóbe aýyly «Niiaz bi» kesenesinen aqsaqaldardyń aq batasymen atqa qonyp, belgilengen marshrýt boiynsha Qyzyljar aýyly arqyly Qabanbai batyr kesenesine bardy.
At atty baptaý dástúri – qazaq halqynda ana sútimen daryǵan qasietti salt. Jylqy maly eń alǵash qazirgi Qazaqstan aýmaǵynda qolǵa úiretilgeni barshaǵa málim. Al atqa miný mádenieti adamzat tarihynda óshpes iz qaldyryp, babalarymyzdyń óz dáýirinde adam aitqysyz ústemdikke ie bolǵandyǵy týraly Elbasynyń «Uly dalanyń jeti qyry» atty maqalasynda kórinis tapqan.
«Kieli Qazaqstan» ekspeditsiiasyna 30-ǵa jýyq saiahatshy qatysty. Sonymen qatar aýdannyń belsendi jastary, ákimshilik mamandary men eriktiler de birge boldy. Sharaǵa qatysýshylar Qabanbai batyr kesenesine kelip quran baǵyshtady. El aqsaqaldary, kónekóz qariialar jastarǵa jylqynyń qasieti jóninde jáne osy qasietti jerlerdi atpen júrip ótken batyr ata-babalarymyz jaily keńinen áńgimelep berdi. Jiyn barysynda Berik Aqylbekov, Erjan Jaýbai, Tańjaryq Sultan jáne shyraqshy Ábdirahmanov Kamal aqasaqal, ǵalym Zairolla Dúisenbekov aqsaqal sóz sóilep, óz pikirlerin bildirdi. Tselinograd aýdany Ishki saiasat bóliminiń basshysy J.E.Baidildina, aýdandyq «Nur Otan» partiiasy filialy tóraǵasynyń birinshi orynbasary A.Qanapiianov aýdan ákimi atynan quttyqtaý sóz sóilep, ǵalym Zairoloa aqsalǵa shapan shapty.
Iá, qustyń qanaty talyp, tulpardyń tuiaǵy tozatyn ulan-ǵaiyr jerimizdi balalarymyz atpen júrip qorǵaǵan. Búgingi sharada atpen saiahat jasaý týrizmdi damytý jaiynda da aityldy. Týrizmniń bul túrine sheteldikter qyzyǵýshylyq tanytyp otyr. Jylqynyń qolǵa úiretilýi atqa miný mádenietiniń de negizin qalady.
Qoryta aitqanda, bul shara atqa miný mádenietin, ulttyq qundylyqtarymyzdy nasihattap, óskeleń urpaqty otansúigishtikke tárbieleýde aýdandaǵy eń aitýly bastamalardyń biri boldy. Is-shara aldaǵy ýaqytta óz jalǵasyn tabatyn boldy.
