Búgin Úkimet otyrysynda Mańǵystaý oblysynyń ákimi Serikbai Trumov óńirdegi jem-shóp daiyndaý jumystary týraly baiandady, dep habarlaidy "Ult aqparat".
«Biyl óńirde qalyptasqan qýańshylyqqa bailanysty mal azyǵymen qamtamasyz etý máselesi ózekti. Qys mezgiline mal azyǵyn daiyndaý boiynsha arnaiy shtab quryldy. Aýyl sharýashylyǵy ministrligimen birlese otyryp, jumystarymyzdy bastadyq. Jalpy, oblys boiynsha qys mezgiline 77 myń tonna shóp pen 53 myń tonnadai jem kerek. Daiyndalǵan shóptiń kólemi 35 myń tonnany qurady. Onyń 28 700 tonnasy ózge aimaqtardan, iaǵni negizinen Aqtóbe jáne Batys Qazaqstan oblystarynan. Qalǵan 3,5 myń tonnasy jergilikti qoryqtardyń aýmaǵynan daiyndaldy», - dedi Serikbai Trumov.
Onyń aitýynsha, ózge oblystardan kómek retinde kelgen 2800 tonna tegin jem-shóp qýańshylyq saldarynan zardap shekken sharýa qojalyqtaryna taratyldy.
«Osy rette kómek qolyn sozǵan barsha azamattarǵa jáne QTJ ujymyna oblys halqynyń atynan alǵysymyzdy bildiremiz. Sonymen qatar, biýdjetten 5,3 mlrd teńge qarajat bólindi. Barlyq aýdanda shóp jinaý bazalary jasaqtaldy», - dedi oblys ákimi.
