IIM qyzmetkerleri transulttyq qylmystyq toptardyń 11 múshesin ustady, - dep habarlaidy "Ult aqparat" Polisia.kz saityna silteme jasap.
IIM Uiymdasqan qylmysqa qarsy kúres departamenti jedel áreket barysynda Bas prokýratýranyń kómegimen bir-birimen kúreske túsken eki transulttyq qylmystyq toptyń jolyn kesti. Olar óz ultynyń kásipkerlerine zańsyz alym salyp, olardyń arasynda qylmystyq ideialar men urylardyń ustanymdaryn engizýge árekettengen.
Almaty, Atyraý, Petropavl, Aqtaý qalalary men Jambyl oblysynyń aýmaǵynda IIM-niń arnaýly maqsattaǵy bólimsheleriniń qatysýymen júrgizilgen arnaiy operatsiia kezinde jedel qyzmetkerler qylmystyq toptardyń 11 qatysýshysyn, sonyń ishinde qylmystyq teketiresterge tartylǵan "killerdi" ustady.
Olardyń júrgen jerleri men turǵylyqty mekenjailaryna 25 tintý is-sharasy júrgizilip, atys qarýynyń arsenaly, shetel valiýtasyndaǵy úlken kólemdegi aqsha, sondai-aq asa iri mólsherdegi esirtki tárkilendi.
Ustalǵandarǵa qatysty "kúzetpen ustaý" túrindegi bultartpaý sharasy tańdaldy. Basqa da qylmyskerlerdi ustaý jáne jaýapkershilikke tartý sharalary qabyldanyp jatyr.
