«Transtelekom» AQ sońǵy 20 jyl ishinde 17 myń shaqyrymdyq internet jelini tartty, dep habarlaidy "Ult aqparat".
Temirjol salasy úshin intellektýaldy júieni qalyptastyrý maqsatynda «TTC» brendimen tanymal «Transtelekom» postkeńestik keńistikte alǵash ret «Qazaqstan temir joly» kompaniiasy úshin «Jetekkúsh energetikalyq dispetcher bólmesi» jáne «Magistral» avtomatty basqarý júielerin iske qosty. Olar biznes-protsesterge, energiia men eńbek resýrstaryn únemdeýge oń áser etip, óndiriske ońtaily sheshimder qabyldaýǵa múmkindik berdi.
Qyzmetterdi ártaraptandyrýdyń arqasynda «Transtelekom» búgingi kúni salalyq baǵytty eńserip, IT salasyndaǵy telekommýnikatsiia jáne júielik integratsiia naryǵynda eń iri provaiderlardyń biri bolyp otyr. TTC kompaniiasy – el ekonomikasynyń damýdyń túbegeili jańa jolyna ótýine jáne tsifrlyq teńsizdikti joiýǵa yqpal etetin «Tsifrlyq Qazaqstan» memlekettik baǵdarlamasynyń belsendi qatysýshysy ekenin atap ótýge bolady.
20 jyl ishinde «Transtelekom» 17 myń shaqyrymdyq talshyqty-optikalyq jeli tartyp, shalǵai aýyldar men stantsiialardy keń jolaqty internetpen qamtamasyz etti. Osynyń nátijesinde mektepter, dispanserler, aýyldyq ákimdikter jáne biznes úshin jańa perspektivalar ashyldy. Úiden shyqpai-aq adamdarǵa qyzmet alýǵa múmkindik bar.
TTS kompaniiasy sheteldik operatorlarmen jyldamdyǵy joǵary shekaralyq ótkelderdi qurý jáne mańyzdy aqparattyq-kommýnikatsiialyq infraqurylymdyńq nysandardyń kiberqaýipsizdigin qamtamasyz etý boiynsha yntymaqtastyqty damytyp jatyr. TTC Qazaqstanda alǵashqy bolyp SOC aqparattyq qaýipsizdik monitoringi ortalyǵyn qurǵan. Sol sekildi, «Bir beldeý – bir jol» baǵdarlamasynyń bastaýshysy Qytai, Ortalyq Aziia elderi men Eýropa arasyndaǵy kommýnikatsiialar men logistikany damytýdyń ǵalamdyq jobasy aiasynda TTS «KazTransCom» AQ-men birlesip Qytaimen shekaralas aýmaqtan Kaspii teńizine deiin 3 648 shaqyrymdyq bailanys jelisin saldy. Odan ári talshyqty-optikalyq kabel jelisi Kaspii teńiziniń túbimen Qazaqstannan Ázerbaijanǵa ótedi. Bul jobaǵa «Transtelekom» kompaniiasy da qatysýda.
Respýblikadaǵy tsifrlyq transformatsiia protsesiniń belsendi qatysýshysy retinde TTS kompaniiasynyń ziiatkerlik «keisiniń» sapaly mazmunyna kóńil bóledi. Onyń ónimderi, qyzmetteri jáne IT sheshimderi ózekti jáne aqparattyq tehnologiialar naryǵynda suranysqa ie. «Transtelekom» AQ adami kapitaldyń qunyn arttyrý baǵytynda únemi jumys júrgizedi. Kompaniianyń korporativti mádenieti qyzmetkerlerdiń eń jaqsy kásiptik jáne iskerlik qasietterin sezinýge, bastamalar men bizneske shyǵarmashylyq kózqarasty damytýǵa baǵyttalǵan.
Eske salsaq, jaqynda ǵana QR Premer-Ministri Asqar Mamin men Ázerbaijan Premer-Ministri Ali Asadov Aqtaý qalasynda ótken Kaspii teńiziniń túbinde eki el arasyndaǵy bailanystyń talshyqty-optikalyq jelisin (TOBJ) salý boiynsha «Trans Caspian Fiber Optic» (TCFO) salýdy bastaý rásimine qatysqan bolatyn. Joba transqurlyqtyq bola otyryp, Eýropa men Aziia arasyndaǵy tsifrlyq telekommýnikatsiialyq dálizdi qurady. Kaspii teńiziniń túbinde uzyndyǵy 380-400 shaqyrymǵa jýyq bolatyn kabel tartý jumystaryn «Transtelekom» AQ, «KazTransCom» AQ jáne «AzerTelecom» ázerbaijan bailanys operatory júzege asyrady. TOBJ 2021 jyldyń sońyna qarai paidalanýǵa beriledi, ol keminde 4-6 terabit/s syiymdylyqpen aqparattardy jetkizýge múmkindik beredi.
«Trans Caspian Fiber Optic» birlesken jobasy derekterdi berýdiń jyldamdyǵy joǵary jáne qorǵalǵan infraqurylymyn damytýdyń joǵary deńgeiine shyǵýǵa, jetekshi Eýropa-Aziia magistraldy baǵyttarynyń qataryna kirýge jáne álemdik derekter tranzitinde laiyqty oryn alýǵa múmkindik bergeli otyr.
