Foto:instagram.com/pro_konaev
Qonaevta toqqa soǵylǵan er adam aýrýhanaǵa tústi. Ol transformator dúńgirshegine shyǵyp ketken, - dep habarlaidy Tengrinews.kz portaly.
"Búgin kúndiz saǵat 11:30-da Qonaevta Seifýllin kóshesimen tómen qarai bir er adam transformatorǵa shyǵyp ketken. Qazir ol aýrýhanada jatyr", - delingen jergilikti pro_konaev Instagram-pabliginde.
Dárigerlerdiń aitýynsha, er adamnyń denesin kúiik shalǵan.
"23 jeltoqsanda saǵat 11:20-da Qonaevtaǵy kópsalaly aýrýhananyń jansaqtaý bólimine 42 jastaǵy er adam elektr toǵy jaraqatymen túsken. Deneniń kúiik shalǵan aimaǵy - 45 paiyz", - dedi Almaty oblysynyń Densaýlyq saqtaý basqarmasynyń baspasóz qyzmeti ókilderi.
Qazirgi ýaqytta naýqastyń jaǵdaiy óte aýyr dep baǵalanǵan. Ol jansaqtaý bólimderinde em qabyldap jatyr.
