AQSh prezidenti Donald Tramp Siriiadaǵy yqtimal himiialyq shabýylǵa prezident Pýtin, Resei men Iran jaýapty dep málimdedi, dep habarlaidy "Ult aqparat" centralasian.org agenttigine silteme jasap.
"Siriiada kóp adam, sonyń ishinde áielder men balalar himiialyq shabýyl qurbany boldy. Bul zulymdyq jasalǵan aýdandy siriialyq armiia qorshap, ózge elderdiń kýágerlerinen jabyq ustap otyr. Prezident Pýtin, Resei men Iran Asadtyń taǵylyǵyn qoldaǵany úshin jaýapty...", - dep jazǵan Tramp Twitter áleýmettik jelisindegi paraqshasyna.
Tramp "Siriia prezidenti Bashar Asadqa jasaǵan zulymdyǵy asa qymbatqa túsetini" týraly málimdegen dep habarlaidy "Amerika daýysy".
Rim papasy Frantsisk sáýirdiń 8-i kúni Siriiada ýly gaz qoldanylǵan shabýyldy qatań aiyptady. "Soǵystyń jaqsy ia jamany joq, jáne de qarýsyz adamdarǵa qarsy jappai qyryp-joiý quralyn qoldanýdy esh nársemen aqtaýǵa bolmaidy", - dáp málimdegen jeksenbide Vatikanda dini joralǵyny óteý kezinde papa Frantsisk.
"Siriiadan ondaǵan adamdar qurban bolǵan shabýyldar týraly sumdyq habarlar túsip jatqan" shaqta Rim papasy saiasi jáne áskeri jetekshilerden "beibitshilik ákeletin dara jol - kelissóz jolyn tańdaýdy" talap etken.
