Foto: RBK
AQSh prezidenti Donald Tramp 18 tamyz, dúisenbi kúni Aq úide Ýkraina basshysy Vladimir Zelenskiidi qabyldaidy. Bul kezdesýge birqatar eýropalyq kóshbasshylar da barady, dep habarlaidy Ult.kz.
The Washington Post basylymynyń jazýynsha, Ýkrainada aqpan aiynda bolǵan daý-damai qaitalana ma degen alańdaýshylyq bar. Sol kezde Zelenskii Tramppen sózge kelip, pikirtalas barysynda Ýkraina delegatsiiasy kelissóz aiaqtalmai jatyp zaldan shyǵyp ketken edi.
Nemis basylymy Bild-tiń habarlaýynsha, Tramp aldymen Zelenskiimen jeke áńgimelesýdi josparlap otyr. Keiinirek oǵan Germaniia kantsleri Fridrih Merts, Eýrokomissiia basshysy Ýrsýla fon der Liaien, Frantsiia prezidenti Emmanýel Makron, Britaniia premeri Kir Starmer, Italiia basshysy Djordja Meloni, Finliandiia kóshbasshysy Aleksandr Stýbb jáne NATO basshysy Mark Riýtte qosylmaq.
AQSh-tyń arnaiy ókili Stiv Ýitkoff kelissózderdiń basty taqyryby – Ýkrainanyń qaýipsizdigi ekenin málimdedi. Onyń aitýynsha, buǵan deiin Tramp pen Resei prezidenti Vladimir Pýtin Aliaskadaǵy kezdesýinde Ýkrainaǵa belgili bir qaýipsizdik kepildikteri jaily kelisken.
Sonymen qatar, aptanyń sońyna qarai Tramp, Pýtin jáne Zelenskiidiń qatysýymen úshjaqty sammit ótýi múmkin ekeni aityldy.
Frantsiia saiasatkeri Florian Filippo men birqatar sarapshylar Zelenskii kelisimnen bas tartsa, bul Ýkraina úshin aýyr saldarǵa ákelýi múmkin ekenin eskertti.
