Foto: videodan skrinshot
AQSh prezidenti Donald Tramp pen Tesla men SpaceX kompaniialarynyń iesi, úkimettiń tiimdiligi jónindegi burynǵy departament (DOGE) basshysy Ilon Mask 5 maýsym kúni áleýmettik jelilerde qatty janjaldasyp qaldy, dep habarlaidy Ult.kz.
Tramp Masktyń kompaniialaryn sýbsidiialardan aiyramyn dep ses kórsetti, al Mask oǵan jaýap retinde SpaceX kompaniiasy Dragon ǵarysh kemesin paidalanýdy dereý toqtatatynyn málimdedi.
Janjaldyń ashyq túrde ýshyǵýy Aq úide ótken baspasóz máslihatynda Tramptyń Maskty synǵa alǵan sátinen bastaldy. Prezident Maskty Respýblikalyq partiianyń salyqtyq jeńildikter men biýdjetke qatysty zań jobasyna qarsy shyqqany úshin aiyptady.
Tramp Maskty "aqylynan adasty" dep atap, al Mask óz kezeginde Trampqa impichment jariialaý kerek ekenin aitty.
Janjal saldarynan Tesla-nyń aktsiialary quldyrady. Masktyń bailyǵy bir kúnde 26,6 milliard dollarǵa azaidy — bul soma Tramptyń búkil bailyǵynan bes ese kóp.
"Tesla 150 milliard dollarlyq naryqtyq kapitalizatsiiasynan aiyryldy, bul kórsetkish odan keiingi úsh eń qymbat amerikalyq avtokóndirýshi kompaniialardyń (Ford, General Motors jáne Rivian) jiyntyq qunynan asyp túsedi", - dep jazdy Forbes.
Axios basylymynyń jazýynsha, Tramp Maskpen bolǵan janjaldyń saldarynan bir kúnde 1 milliard dollardan astam qarjy joǵaltqan bolýy múmkin.
Trump Media and Technology Group kompaniiasynyń aktsiialary 8%-ǵa tómendep, bul Trampqa shamamen 202 million dollarǵa túsip otyr. Alaida odan da aýyr soqqy — Tramptyń TRUMP atty memkoinynyń shamamen 10%-ǵa quldyraýy, bul oǵan 900 million dollardai shyǵyn keltirgen bolýy múmkin.
Degenmen, buqaralyq aqparat quraldarynyń málimetine súiensek, Masktyń shyǵyny budan da kóp — olar ony shamamen 34 milliard dollar dep baǵalap otyr.
