Foto: Anadolu Ajansi
AQSh Prezidenti Donald Tramp bul bastamasy jaily amerikalyq Truth Social áleýmettik jelisindegi paraqshasynda bólisip, NATO elderine joldaǵan hatyn jariialady, dep habarlaidy Anadolu Ajansi basylymy.
Tramptyń aitýynsha, mundai shara Resei men Ýkraina arasyndaǵy soǵysty toqtatýǵa yqpal etýi múmkin. Ol baj salyǵy soǵys aiaqtalǵannan keiin alynyp tastalatynyn da atap ótti.
"Qytaidyń Reseige yqpaly zor. Eger NATO men usynyp otyrǵan joldy tańdasa, soǵys dereý toqtaidy. Áitpese, AQSh-tyń ýaqyty da, kúshi de, qarajaty da bosqa ketip jatyr", – dedi Tramp.
Sonymen qatar ol NATO elderi Reseige qarsy sanktsiia engizip, reseilik munaidan bas tartqan jaǵdaida, Vashington da Máskeýge qatań shara qoldanatynyn aitty.
Tramptyń pikirinshe, keibir NATO elderiniń Resei munaiyn "shekten tys kólemde" satyp alýy olardyń kelissózder kezindegi ustanymyn edáýir álsiretip otyr.
