AQSh prezidenti bolyp sailanǵan Donald Tramp. Vashington, 10 qarasha 2016 jyl.
AQSh prezidenti bolyp sailanǵan Donald Tramp prezident qyzmetine kirisken soń Meksikamen shekarada qabyrǵa turǵyzý nieti baryn taǵy da naqtylady. CBS telearnasyna bergen suhbatynda ol buryn qylmystyq iske qatysy bar bolýy múmkin úsh millionǵa deiingi zańsyz migrantty deportatsiialaýǵa daiyn ekenin málimdedi.
Tramptyń sózinshe, qabyrǵa shekaranyń keibir jekelegen bólikterinde ǵana turǵyzylady. Al shekaranyń qalǵan bólikterinde kedergi qorshaý ornatylmaq. Tramp qabyrǵa turǵyzý protsesimen jaqsy tanys ekenin de aitty.
Tramp sailaýaldy kampaniiasynda AQSh-ta turatyn keibir meksikalyq migranttardy qylmysker jáne zorlyqshyl dep ataǵan. Ol prezident bolsa elde zańsyz júrgen barlyq migrantty deportatsiialap, Meksikamen shekarada beton qabyrǵa turǵyzýǵa ýáde bergen.
Tramptyń josparyna qarsylar jer bederiniń ereksheligine jáne joba qunynyń qymbattyǵyna bailanysty betonnan qabyrǵa turǵyzý múmkin emes deidi. Milliarderdiń ózi buǵan deiin Meksikamen shekarada beton qabyrǵa turǵyzý 8 milliard dollardan aspaitynyn málimdegen.
