AQSh prezidenti Donald Tramp Meksikamen aradaǵy shekaraǵa dýal turǵyzý úshin, aldaǵy eki jylda 4 mlrd dollardan astam qarjy bólmekshi. Reuters agenttiginiń aqparaty boiynsha, bul qarjy Kongrestiń qaraýyna berilgen biýdjet jobasynda bar.
Aqpan aiynda AQSh-tyń ishki qaýipsizdik ministrligi dýal qurylysyn 20 mlrd dollarǵa baǵalaǵan. Jobanyń naqty quny Tramp qurylys smetasyn usynǵannan keiin ǵana belgili bolady. Ony mamyr aiynda usynbaq.
Tramptyń sailaýaldy kampaniiada bergen ýádeleriniń bastysy — jumys oryndaryn ashý jáne zańsyz migratsiiaǵa qarsy kúres. Qańtar aiynyń aiaǵynda ol Qurama Shtattar men Meksika arasyndaǵy shekaraǵa dýal turǵyzý jónindegi jarlyqqa qol qoiǵan. Prezidenttiń sózderinshe, qurylys qunynyń jartysyn Meksika úkimeti tóleýge tiis. Keiin Tramp bul pikirinen ainyǵan.
