AQSh prezidenti Donald Tramp Barak Obama ákimshiligin Reseige qatysty "tym jumsaq" saiasat ustanǵany úshin synady. Tramptyń pikirinshe, orystar Qyrymdy Obamanyń kesirinen "ielenip aldy". Bul týraly Qurama Shtattar basshysy Tvitterdegi shaǵyn blogynda jazǵan.
Seisenbi kúni Aq úidiń baspasóz hatshysy Shon Spaiser AQSh prezidenti Donald Tramptyń Máskeýge qatysty saiasaty "qatal" ekenin málimdedi. Spaiserdiń aitýynsha, Tramp Resei úkimeti Qyrymdy "qaitaryp berip", Ýkrainanyń shyǵysyndaǵy soǵystan bas tartýy kerek dep esepteidi.
Kreml ókilderi men Reseidiń syrtqy ister ministrligi anneksiialanǵan Qyrym reseilik aýmaq ekendigin jáne bul másele talqylaýǵa jatpaityndyǵyn málimdedi. Memlekettik dýma tóraǵasy Viacheslav Volodin Qyrym jónindegi ustanymyn Tramptyń óz aýzynan estigisi keletinin, AQSh prezidenti sailaý qarsańyndaǵy baǵdarlamasyn oryndaýy kerektigin aitty.
Buǵan deiin Donald Tramp Reseimen qarym-qatynasty jaqsartqysy keletinin birneshe márte málimdegen edi.
