Dúniejúzilik densaýlyq saqtaý uiymy adamzat koronavirýspen ómir súrýdi úirenýi kerektigin aitady. Juqpalylyǵy 40% asatyn «úndilik» shtamǵa bailanysty Ulybritaniia lokdaýndy tolyǵymen alyp tastaý máselesin qarastyrar emes. AQSh-tyń burynǵy prezidenti Donald Tramp Qytai koronavirýstyń keltirgen ziiany úshin 10 trillion dollar shyǵyn tóleýi kerek dep málimdedi. Bul týraly VVS habarlady.
Óz esepteýlerinde álem elderiniń resmi málimetterin paidalanatyn amerikalyq Djons Hopkins ýniversitetiniń tsifrlaryna súiensek, pandemiia kezinde 173 millionǵa jýyq adam koronavirýspen aýyrǵan, 3,7 millionnan astam adam qaitys boldy, 2 milliardtan astam ekpe jasaldy.
DDSU: munymen ómir súrýge týra keledi
Dúniejúzilik densaýlyq saqtaý uiymy koronavirýstyń tolyq joiylýy aiqyn perspektivaǵa uqsamaitynyn málimdedi.
DDSU ókili doktor Devid Nabarronyń aitýynsha, virýs vaktsinalar nemese dári-dármekter arqyly joiylady dep úmittenbeý kerek.
«Adamdar bul virýspen ómir súrýdi úirenýi qajet. Jańa shtamdar paida bolady, indet órship, jańa oshaqtary tirkelip otyrady. Biz oǵan úirenýimiz kerek», - dedi doktor Nabarro Sky News telearnasyna bergen suhbatynda.
Britaniia: karantin alynbaýy múmkin
Ulybritaniia Premer-ministri Boris Djonson bai elderdiń basshylaryn 2022 jyldyń sońyna deiin óz turǵyndaryna vaktsina egý protsesin aiaqtaýǵa shaqyrýǵa nietti. Djonson bul týraly kelesi jumada Ulybritaniianyń Kornýoll qalasynda bastalatyn Úlken jetilik sammitinde jariialaidy dep kútilýde.
21 maýsymda Ulybritaniiada áleýmettik bailanystarǵa barlyq shekteýler alynyp tastalýy tiis: túngi klýbtar ashylyp, úilený toilary men jerleý rásimderine qonaqtar shaqyrý sanyna engizilgen tyiym kúshin joiatyny kútilýde.
Biraq Densaýlyq saqtaý ministri Mett Hankok jeksenbide VVS-ge bergen suhbatynda úkimet shekteýlerdi alyp tastaý máselesin ázirge ashyq qaldyratynyn aitty. M.Hankok úkimet «21 maýsymǵa deiin» shekteýlerdi alyp tastamaqshy bolǵanyn, biraq ol dál sol kúni oryndalatynyna eshqashan ýáde bermegenin aitty.
Onyń aitýynsha, sheneýnikter men dárigerler sheshim qabyldamas buryn jaǵdaidy baqylaidy.
Sonymen qatar, ministr aýrý juqtyrýshylar sanynyń ósýine qaramastan, aýrýhanaǵa jatqyzý jaǵdailary is júzinde óspegeninin atap ótti. Bul vaktsinalardyń tiimdiligin dáleldeidi. Vaktsinanyń eki dozasyn shamamen 23,5 million britandyq alǵan, 33,7 million britandyq bir dozasyn saldyrǵan.
Resmi málimetterge sáikes, jeksenbide infektsiia juqtyrýdyń taǵy 5341 jaǵdaiy tirkelgen. Sońǵy 28 kúnde koronavirýstan 4 adam qaitys boldy.
Donald Tramp: Qytai koronavirýs úshin ótemaqy tóleýi tiis
AQSh-tyń burynǵy prezidenti Donald Tramp uzaq ýaqyt boiy alǵash ret óz jaqtastarynyń aldynda sóz sóilep, Qytai AQSh pen basqa elderge koronavirýs pandemiiasy saldarynan bolǵan adam shyǵyny men zalal úshin 10 trln dollar tóleýi kerektigin málimdedi.
«Barshamyzǵa birige otyryp, «Qytai bizge tóleýi tiis, tiis!» dep málimdeý qajet. Sondai-aq barlyq memleket bas qosyp, zalaldyń ornyn toltyrý úshin Qytaiǵa 10 trln dollardy tóletý qajet. Bul, árine, anaǵurlym tómendetilgen san», - dedi eks-prezident Soltústik Karolinada ótken respýblikalyqtardyń konferentsiiasynda.
