AQSh prezidenti bolyp sailanǵan Donald Tramp. 21 qarasha 2016 jyl.
AQSh prezidenti bolyp sailanǵan Donald Tramp qarashanyń basyndaǵy prezident sailaýynda básekeles bolǵan Hillari Klintonnyń basty úsh shtattaǵy daýystardy qaita sanaýdy qoldaý týraly sheshimine "renjýli" ekenin málimdedi. Bul týraly ol Twitter-degi akkaýntynda jazdy. Buǵan deiin demokrattar kandidaty Klintonnyń shtaby Viskonsin shtatyndaǵy biýlletendi qaita sanaýdy qoldaitynyn habarlaǵan.
25 qarashada Viskonsin shtatynyń sailaý komissiiasy Jasyldar partiiasynyń kandidaty Djil Shtainnyń Viskonside "statistikalyq aýytqyshýlyqtar" bary týraly shaǵymyn maquldaǵan. Djil Shtain sonymen qatar Michigan men Pensilvaniia shtatyndaǵy daýystardy qaita sanaýǵa da qol jetkizbek niette. Buǵan deiin Tramp onyń bul áreketin "alaiaqtyq" dep ataǵan.
Sailaýda Klinton Tramptan eki million daýys artyq jinaǵan. Biraq Tramp ár shtat ókilderinen quralatyn sailaýshylar alqasynda 290 daýys jinap, jeńiske jetken. Klinton Michigan shtatyndaǵy daýystardy eseptemegende sailaýshylar alqasynda 232 daýys alǵan. 27 qarashadaǵy málimetter boiynsha, Tramp bul shtatta Klintonnan 11 myń daýys artyq jinaǵan. Búgin bul nátijeler memlekettik sertifikatsiiadan ótkizilýi tiis. Eger Michigan, Viskonsin jáne Pensilvaniiadaǵy daýystardy qaita sanaýda Klintonnyń kóp daýys alǵany anyqtalsa, onda ol sailaýshylar alqasynda da Tramptan artyq daýys jinaýy múmkin.
