Jambyl oblysynda Apple, Puma, Hugo Boss jáne ózge de tanymal brendterdiń ataýymen jalǵan ónim satqan 16 adam jaýapqa tartyldy. Sot olardy jalpy somasy 1,5 million teńgeden asatyn aiyppul tóleýge mindettedi, dep habarlaidy ult.kz.
Tekserýge brend ókilderiniń shaǵymdary negiz bolǵan. Biylǵy toǵyz aida óńirde Apple, iPhone, AirPods, Puma, Hugo Boss jáne Splat belgileri bar 504 taýar tárkilendi. Olardyń jalpy quny 2 million teńgege jýyq.
Jalǵan ónimderdiń sany da artqan. Byltyrǵy jyldyń sáikes kezeńinde 403 taýar tárkilense, biyl bul kórsetkish 504-ke jetip, shamamen 25 paiyzǵa ósken.
