AQSh lideri Donald Tramp alǵash ret BUU Bas Assambleiasynda sóz sóilei otyryp, KHDR Amerika Qurama Shtattaryna qaýip tóndiretin jaǵdaida olardy joiýǵa týra keletinin málimdedi, - dep habarlaidy kaz.tengrinews.kz RIA Novosti-ǵa silteme jasap.
"AQSh-tyń shydamy jetedi, AQSh myqty el. Biraq bizge odaqtas elderdi qorǵaý kerek bolsa nemese ózimizdi qorǵaý kerek bolsa, bizge Soltústik Koreiany tolyqtai joiýǵa týra keledi. AQSh KHDR-dy joia alady jáne joiǵysy keledi. Biraq bulai jasaý kerek bolmaidy dep úmittenemiz", - dedi Tramp.
Basylymnyń málimetinshe, Donald Tramp óz sózinde Qytai men Reseige sanktsiia engizýde kórsetken qoldaýlary úshin alǵys aitty.
Sondai-aq, AQSh prezidenti Iranǵa qatysty pikir bildirdi. "Iran úkimeti ózderiniń sybailasqan diktatýralaryn jalǵan demokratiiamen jasyryp otyr", - dedi Tramp.
