2016 jylǵy sailaýaldy kampaniiasynda Donald Tramp densaýlyǵy týraly anyqtamanyń mátinin ózi qurastyrdy, dep málimdedi sol kezdegi Tramptyń dárigeri Harold Bornstein.
"Bul hattyń mátinin ózi aityp turdy, men jazǵan joqpyn. Is barysynda oidan shyǵardym", — dep málimdedi Bornstein CNN arnasyna.
Eki bettik anyqtama kópshiliktiń kelekesine ainalǵan bolatyn, óitkeni onda "asa qairatty ári tózimdi" jáne "AQSh prezidenttigine úmitker densaýlyǵy eń myqty adam" dep jazylǵan.
Bornstein málimdegendei, Tramptyń jeke oqqaǵary keńsesinen anyqtamany urlap áketken. AQSh prezidentiniń baspasóz hatshysy Sara Sanders seisenbi kúni habarlaǵandai, Aq úi bul qujatty zańdy túrde alypty.
