AQSh prezdienti Donald Tramp «AQSh-tyń iadrolyq túimeshesi Soltústik Koreianikinen áldeqaida úlken ekenin» málimdedi. Bul týraly ol Soltústik Koreia basshysy Kim Chen Ynnyń jańa jylda halyqqa arnaǵan úndeýinde ústelinde «iadrolyq túimeshesi» baryn jáne Soltústik Koreianyń «AQSh-tyń kez-kelgen jerine jetetin qarýǵa ie ekenin» málimdegenine jaýap retinde aitty. Biraq Kim Chen Yn qarýdy Pheniannyń qaýipsizdigine qater tóngen jaǵdaida ǵana paidalanatynyn eskertken.
«Bul – qoqan-loqy emes, ras nárse» degen Kim Chen Yn Phenian kelesi aida Ońtústik Koreiada ótetin qysqy olimpiada oiyndaryna qatysýǵa yntaly ekenin aityp, bul baǵytta Ońtústik Koreiany kelissózdi qaita bastaýǵa shaqyrǵan.
Tramp eki el arasynda qandai da bir kelissózdiń qaita bastalatynyna kúmándanatynyn aitty. Biraq Ońtústik Koreia Phenianmen joǵary deńgeidegi kezdesýdi 9 qańtarda ótkizýdi usyndy.
