AQSh prezidenti Donald Tramp dúisenbi kúni óz ákimshiligindegi tirek laýazymdarǵa jańa qyzmetkerler keletinin málimdedi. Sonyń ishinde AQSh-tyń Qazaqstandaǵy elshisi qyzmetine Ýiliam Mozerdiń kandidatýrasy usynyldy, dep habarlaidy QazAqparat Aq úidiń baspasóz qyzmetine silteme jasap.
Elshi Mozer Qazaqstanmen jaqsy tanys. Buǵan deiin ol AQSh-tyń Almatydaǵy diplomatiialyq missiiasynda energetika jáne ekonomika máseleleri jónindegi attashe retinde jumys istegen.
Mozer diplomatiialyq qyzmettegi karerasyn 1984 jyly bastaǵan. AQSh-tyń Ýkrainadaǵy, Qazaqstandaǵy, Egipettegi, Sýrinamdaǵy, Malidegi jáne Moldovadaǵy elshilikterinde qyzmet atqarǵan.
Sońǵy jyldary Mozer memlekettik departament basqarmasy bastyǵynyń birinshi orynbasary laýazymynda AQSh-tyń búkil álemdegi diplomatiialyq ókildikteri ǵimarattaryn salý jáne paidalaný jónindegi jumystardy istegen.
Amerikalyq diplomat Soltústik Karolina shtatynda týǵan, jergilikti ýniversitette bilim alǵan. Ol orys, nemis, frantsýz tilderin biledi.
Aita keteiik, elshi kandidatýrasy usynylǵan soń ony AQSh Senaty bekitýi qajet.
