AQSh prezidenti Donald Tramp koronavirýs indetine bailanysty AQSh-tyń 50 shtatynda apatty jaǵdai jariialaý týraly qujatqa qol qoidy. Bul týraly Aq úi habarlady. AQSh aýmaǵynda alǵash ret apatty jaǵdai jariialanyp otyr.
Virýstan qaitys bolǵandar sany jaǵynan AQSh álemde birinshi orynda tur. Munda 20,5 myńnan astam adam kóz jumǵan. Niý-Iork shtaty indetten qatty zardap shekken (8,5 myńnan astam adam qaitys bolǵan).
Sońǵy málimet boiynsha, AQSh-ta jarty million adamnan koronavirýs tabylǵan. Bul álemdik kórsetkishtiń úshten bir bóligin quraidy.
Indet bastalǵaly beri Italiiada 19,5 myń adam qaitys bolǵan. 152 myńnan astam adamǵa virýs juqqan. Álem boiynsha Ispaniia úshinshi orynda tur. Munda 16,5 myń adam koronavirýstan kóz jumǵan. 163 myńnan astam adamǵa virýs juqqan
