Foto: ashyq derekkóz
Tramp ákimshiligi AQSh-qa viza alýǵa úmitker sheteldik stýdentter úshin jańa suhbattardy taǵaiyndaýdy dereý toqtatýdy buiyrdy, dep habarlaidy Ult.kz.
Reuters habarlaýynsha, memlekettik departament AQSh-tyń búkil álemdegi elshilikteri men konsýldyqtaryna stýdenttik jáne almasý vizalaryna ótinishterdi qabyldaýdy keiingi buiryqtarǵa deiin toqtatý jóninde nusqaý joldady.
Bul shara baqylaýdy kúsheitý josparyna bailanysty qabyldandy. Atap aitqanda, úmitkerlerdiń áleýmettik jelidegi akkaýnttaryn mindetti túrde tekserý qarastyrylǵan.
Bilik ókilderi ótinish berýshilerdiń derekterin sáikestendirý jáne rastaý rásimderin qaita qarastyryp jatqanyn málimdedi.
Aita keteiik, buǵan deiin Donald Tramp ákimshiligi Garvard ýniversitetin sheteldik stýdentterdi oqytý quqyǵynan aiyrǵan.
