AQSh Prezidenti Donald Tramp BAQ-qa qajetsiz aqparat taratatyn Aq úi qyzmetkerlerin jalǵandyq detektory arqyly anyqtaý múmkindigin talqylady, dep jazady Politico.
Basylymnyń habarlaýynsha, Tramp Prezident bolyp sailanǵannan keiin-aq poligrafty paidalanǵysy kelgen. Degenmen onyń kómekshileri bul ádistiń tiimsiz bolýy múmkin ekenin aityp, toqtatqan.
«Aq úidiń keibir qyzmetkerleri ózderiniń adaldyqtaryn dáleldeý úshin erikti túrde jalǵandyq detektorynda tekseristen ótken», delingen aqparatta.
Basylymynyń habarlaýynsha, endi aqparatshylardy shpiondarǵa teńegen AQSh prezidenti olardy jazalaýdyń joldaryn qarastyryp jatyr.
Buǵan deiin Tramp prezidenttikke túskeli beri BAQ-ta «jalǵan» aqparat taraitynyna shaǵymdanǵan edi. Sonymen qatar ol The New York Time men basqa BAQ-tardy feik basylym dep aitqan edi. Al 2017 jyly aqpan aiynda ol jýrnalisterdi halyq jaýy dep atady.
