Foto: Getty Images
AQSh-tyń burynǵy prezidenti Donald Tramp Ekinshi dúniejúzilik soǵystaǵy Jeńis kúni retinde 8 mamyrdy belgiledi. Ol sondai-aq natsistik Germaniiamen kúreste amerikalyqtardyń erekshe róli týraly málimdedi, dep habarlaidy Ult.kz.
Tramp Birinshi jáne Ekinshi dúniejúzilik soǵystardaǵy jeńisterde Amerika Qurama Shtattarynyń «salystyrýǵa kelmeitin» úlesin atap ótip, ár soǵys úshin Jeńis kúnderin belgileý kerektigin aitty. Bul týraly ol Thruth Social áleýmettik jelisindegi paraqshasynda jazdy.
Respýblikandyq saiasatker amerikalyqtardy «jeńisti toilaýdy bastaýǵa» shaqyrdy. Birinshi dúniejúzilik soǵystaǵy Jeńis kúni 11 qarashada, al Ekinshi dúniejúzilik soǵystaǵy Jeńis kúni 8 mamyrda atap ótiletin bolady.
«Biz eki soǵysta da jeńiske jettik, kúsh-qýat, batyrlyq pen áskeri sheberlik turǵysynan bizge teń keletin eshkim bolmady. Biraq biz eshteńeni atap ótpeimiz — sebebi bizde endi muny qalai jasaý keregin biletin kóshbasshylar joq! Biz óz jeńisterimizdi qaitadan atap ótýdi bastaimyz!» — dep jazdy Tramp.
