Saýda jáne integratsiia ministrliginiń tutynýshylardyń quqyǵyn qorǵaý komitetine meiramhanalar men toihanalardyń ústinen 47 shaǵym túsken. Aqshasyn aldyn ala tólep qoiǵan azamattar 7,5 mln teńgeni qaitaryp berýdi suraǵan, dep habarlaidy "Ult aqparat".
«Osydan birneshe apta buryn ǵana Prezident Qasym-Jomart Toqaev tutynýshylardyń quqyǵyn qorǵaý týraly zańnamaǵa engizilgen ózgeristerge qol qoidy. Osy «alańdaǵy» tutynýshy men satýshynyń arasyndaǵy kelissóz júrgizýshi retindegi úkimettik emes uiymdardy men belsendi jumys júrgizýge shaqyramyn. Al jańa normalar ázirge tolyq iske asyrylmai tur. ÚEU men satýshylar oiynnyń jańa ári qatań erejesimen oinaýdy úirene bastady. Al Saýda jáne integratsiia ministrliginiń tutynýshylardyń quqyǵyn qorǵaý týraly komiteti qatardaǵy qazaqstandyqtardyń quqyǵyn qorǵaýǵa májbúr», - dep jazdy QR Saýda jáne integratsiia ministri Baqyt Sultanov Facebook-tegi paraqshasynda.
Baqyt Sultanov bes aidyń ishinde atqarylǵan jumystar týraly statistikalyq málimettermen bólisti.
«Ózderińiz biletindei, naýryz aiynda azamattarǵa áleýmettik qashyqtyqty saqtaý týraly keńes aityla bastaǵan edi. Osydan baryp, josparlanǵan kontsertter men toilar bolmaityn boldy. Alaida uiymdastyrýshylar bilettiń aqshasyn qaitarýǵa asyqpady. 2020 jyldyń 5 aiynda tutynýshylardyń quqyǵyn qorǵaý týraly komitetine bolmai qalǵan kontsertter boiynsha («Rýki Vverh» toby, Liýbov Ýspenskaianyń keshi, Belgorodtaǵy «Halyq shyǵarmashylyǵy» festivali, «Astana – Opera» teatrynyń qoiylymy men taǵy basqa) 29 bilet boiynsha 15 ótinim kelip tústi. Mundaǵy jalpy soma - 615 620 teńge. Dese de 11 shaǵym boiynsha jumys aiaqtalyp, tutynýshylarǵa 615 620 teńge aqsha qaitarylyp berdi. 4 shaǵym boiynsha jumys júrgizilýde», - dep jazady ministr.
Sonymen qatar Baqyt Sultanov meiramhanalar men toihanalarda ótpei qalǵan otbasylyq saltanatty sharalardyń qarajatyn qaitarý boiynsha 47 ótinim kelip túskenin jazady. Qazaqstandyqtar osylaisha toihana men meiramhana ielerinen jalpy somasy 7,5 mln teńgeni qaitaryp berýdi suraǵan. Qazirdiń ózinde osy somanyń 5 mln teńgesi qaitarylǵany habarlanyp otyr.
Sondai-aq ministr týrizm salasyna toqtaldy.
«Bizdiń aýmaqtyq departamentterge bolmai qalǵan týristik týrlar boiynsha jalpy somasy 24 158 466 teńgeniń (23 487 016 teńge – sheteldegi demalys, 671 450 teńgesi el ishindegi demalys boiynsha) 85 shaǵymy tústi. Tutynýshylarǵa qazirgi tańda 4 250 202 teńge qaitaryldy. Sonymen birge keibir ótinimder boiynsha týr merzimin shegerý týraly kelisimge qol jetkizildi», - dep jazdy Baqyt Sultanov Facebook-tegi paraqshasynda.
Ministr tutynýshylardyń quqyǵyn qorǵaý boiynsha jańa normalardyń kúshine enýimen tutynýshylar men satýshylardyń kelissózderi jaqsara túsetinine senim bildirdi.
«Isti komitetiń qaraýyna jetkizgenshe biznes úshin tutynýshymen kelissózge kelý – tiimdi bola túsedi. Sebebi jaýapty organ qazir deldal retinde júrgizýmen birge satýshy zań talaptaryn oryndamaǵan jaǵdaida aiyppul salýǵa da quqyly», - dedi ol.
