Toida tilek aitýǵa shyǵyp, oq atqan jigitke qatysty politsiia málimdeme jasady, dep habarlaidy "Ult aqparat".
Almaty oblystyq politsiia departamenti baspasóz qyzmetiniń málimetinshe, eldiń záresin ushyrǵan azamat dybysty-jaryqty tapansha qoldanǵan.
«Tapanshamen aspanǵa oq atqan 26 jastaǵy azamat anyqtaldy. Ol - Almaty qalasynyń turǵyny. Ol tilek aitýǵa shyǵyp, dybysty-jaryqty tapanshamen joǵary jaqqa qarai atqan. Qazir ákimshilik kodekstiń 436-babynyń 1-bóligi boiynsha is qozǵalyp, saraptama taǵaiyndalyp, tapansha tárkilendi. Toi iesi men meiramhana qojaiynyna qatysty da tekserý júrip jatyr», - dep málimdedi Almaty oblystyq politsiia departamentiniń baspasóz qyzmetinen.
Aita keteiik, áleýmettik jelide toida tilek aitýǵa shyqqan azamattyń biri kenetten joǵaryǵa qarai oq atyp, jeli qoldanýshylaryn shoshytqan bolatyn.
«Men, Izdiev Habibolla, Almaty qalasynyń turǵynymyn. Toida tilek aitýǵa shyǵyp, aspanǵa tórt ret oq attym. Bul áreketim úshin kópshilikten keshirim suraimyn. Bundai áreket ekinshi márte qaitalanbaidy»,- deidi beinejazba avtory.
