Foto: ashyq derekkóz
Jýaly aýdandyq soty úilený toiynda bastalǵan kelispeýshilik keiin turmystyq janjalǵa ulasqan erli-zaiyptylardyń isin qarady, dep habarlaidy Ult.kz.
Sottyń málimetinshe, er adamǵa qatysty is Ákimshilik quqyqbuzýshylyq kodeksiniń 73-baby 1-bóligi boiynsha qozǵalǵan. Bul bap otbasylyq-turmystyq qatynastarda bylapyt sózder aitýǵa qatysty.
«Meiramhanadaǵy úilený toiy kezinde er adam jubaiynan ejelgi qazaq dástúri boiynsha úlken ápkesine sálem salýdy ótingen, al áieli ótinishti oryndaýdan bas tartqan. Úige kelgen soń er adam áieliniń osy sheshimi úshin oǵan bylapyt sózder aitqan», - dep habarlaidy Jýaly soty.
Sot málimetinshe, otyrysqa qatysqan er adam óz aiybyn tolyq moiyndap, jubaiynan keshirim suraǵan. Ol taraptardyń mediatsiia arqyly tatýlasqanyn aityp, isti toqtatýdy surady. Al áieli bolsa, janjaldan keiin kúieýi onyń anasyna habarlasyp, «qyzyńyzdy alyp ketińiz» degen sózine de keshirim bergen.
«Sot qaýlysymen mediatsiia tártibimen tatýlasqanyna bailanysty toqtady. Sot qaýlysy zańdy kúshine engen joq», - dep atap ótti sottyń baspasóz qyzmeti.
