فوتو: اشىق دەرەككٶز
جۋالى اۋداندىق سوتى ٷيلەنۋ تويىندا باستالعان كەلٸسپەۋشٸلٸك كەيٸن تۇرمىستىق جانجالعا ۇلاسقان ەرلٸ-زايىپتىلاردىڭ ٸسٸن قارادى, دەپ حابارلايدى Ult.kz.
سوتتىڭ مەلٸمەتٸنشە, ەر ادامعا قاتىستى ٸس ەكٸمشٸلٸك قۇقىقبۇزۋشىلىق كودەكسٸنٸڭ 73-بابى 1-بٶلٸگٸ بويىنشا قوزعالعان. بۇل باپ وتباسىلىق-تۇرمىستىق قاتىناستاردا بىلاپىت سٶزدەر ايتۋعا قاتىستى.
«مەيرامحاناداعى ٷيلەنۋ تويى كەزٸندە ەر ادام جۇبايىنان ەجەلگٸ قازاق دەستٷرٸ بويىنشا ٷلكەن ەپكەسٸنە سەلەم سالۋدى ٶتٸنگەن, ال ەيەلٸ ٶتٸنٸشتٸ ورىنداۋدان باس تارتقان. ٷيگە كەلگەن سوڭ ەر ادام ەيەلٸنٸڭ وسى شەشٸمٸ ٷشٸن وعان بىلاپىت سٶزدەر ايتقان», - دەپ حابارلايدى جۋالى سوتى.
سوت مەلٸمەتٸنشە, وتىرىسقا قاتىسقان ەر ادام ٶز ايىبىن تولىق مويىنداپ, جۇبايىنان كەشٸرٸم سۇراعان. ول تاراپتاردىڭ مەدياتسييا ارقىلى تاتۋلاسقانىن ايتىپ, ٸستٸ توقتاتۋدى سۇرادى. ال ەيەلٸ بولسا, جانجالدان كەيٸن كٷيەۋٸ ونىڭ اناسىنا حابارلاسىپ, «قىزىڭىزدى الىپ كەتٸڭٸز» دەگەن سٶزٸنە دە كەشٸرٸم بەرگەن.
«سوت قاۋلىسىمەن مەدياتسييا تەرتٸبٸمەن تاتۋلاسقانىنا بايلانىستى توقتادى. سوت قاۋلىسى زاڭدى كٷشٸنە ەنگەن جوق», - دەپ اتاپ ٶتتٸ سوتتىڭ باسپاسٶز قىزمەتٸ.
