Foto: depositphotos.com
Túrkistan oblysynda sot toida án shyrqaǵany úshin kelinin birneshe ret urǵan burynǵy qaiyn atasyn úiqamaqqa jiberdi, - dep habarlaidy oblystyq politsiia departamentiniń baspasóz qyzmeti.
"Kúdikti ustalyp, ýaqytsha ustaý izoliatoryna qamaýǵa alyndy. Sot sanktsiiasymen oǵan tergeý aiaqtalǵanǵa deiin úiqamaq túrindegi bultartpaý sharasy qoldanyldy", – delingen habarlamada.
Vedomstvo ókilderi bul oqiǵaǵa qatysty Qylmystyq kodekstiń 293-baby, 1-bóligi ("Buzaqylyq") boiynsha sotaldy tergeý júrgizilip jatqanyn, oqiǵanyń barlyq mán-jaiyn anyqtaýǵa baǵyttalǵan tergeý amaldary jalǵasyp jatqanyn aitty. Tergeý qorytyndysy boiynsha protsestik sheshim qabyldanbaq.
Er adamnyń tarapynan bolǵan qoqan-loqy týraly politsiiaǵa shaǵym túspegeni naqtylandy.
"Sonymen qatar, tergeý aiasynda barlyq ýáj qaralyp, oqiǵaǵa qatysy bar adamdarǵa quqyqtyq baǵa beriledi", – dep tolyqtyrdy baspasóz qyzmeti.
Eske salaiyq, oqiǵa 31 tamyzda Túrkistan oblysy Tólebi aýdanyndaǵy "Zaǵambar" meiramhanasynda bolǵan. Toida án aityp turǵan 27 jastaǵy Azoda Tursynmuradovaǵa burynǵy kúieýiniń ákesi kenet tap berip, birneshe ret urǵan. Jábirlenýshiniń aitýynsha, er adam qatty mas bolǵan.
